ટકોર / કેન્દ્ર સરકારે રાજ્યોને કહ્યું, મહામારીમાં તમારા આ ઉદે્શથી ભટકતા નહીં

•  મૃત્યુ દરને નીચો રાખવા પર નવું ધ્યાન કેન્દ્રિત કરવામાં આવશે
• વધુ અને  ડોર-ટુ-ડોર પરીક્ષણ તથા માળખાગત સુવિધાને મજબૂત બનાવવાની વાત
• આ હેતુ માટે વિગતવાર એક્શન પ્લાન તૈયાર કરવામાં આવ્યો છે

સરકારી અધિકારીઓએ કહ્યું કે કોવિડ કેસો પર નજર રાખવા માટે વધુ પરીક્ષણ, ડોર-ટુ-ડોર પરીક્ષણ અને માળખાગત સુવિધાને મજબૂત બનાવવાના પ્રયત્નો ચાલુ રહેશે. ઉપરાંત મૃત્યુ દરને નીચો રાખવા પર નવું ધ્યાન કેન્દ્રિત કરવામાં આવશે.

અધિકારીઓએ કહ્યું કે આ હેતુ માટે વિગતવાર એક્શન પ્લાન તૈયાર કરવામાં આવ્યો છે અને વડાપ્રધાન નરેન્દ્ર મોદી મંગળવાર અને બુધવારે મુખ્ય પ્રધાનો સાથેની તેમની બેઠકમાં આ મુદ્દો ઉઠાવી શકે છે.
 
ભારતનો સરેરાશ મૃત્યુ દર 2.9 રહ્યો છે પરંતુ વૈશ્વિક સરેરાશ 5.4 ટકા છે. અધિકારીઓએ કહ્યું કે દેશમાં થયેલા કુલ મૃત્યુના 80 ટકાથી વધુ લોકો ફક્ત પાંચ રાજ્યોમાં જ છે. તેમાં મહારાષ્ટ્ર, દિલ્હી, ગુજરાત, પશ્ચિમ બંગાળ અને મધ્યપ્રદેશનો સમાવેશ થાય છે.

તેમણે કહ્યું કે, અમે એ બાબત પર ધ્યાન આપ્યું છે કે ભારતના 65 જિલ્લાઓમાં પાંચ ટકાથી વધુ મૃત્યુદર છે અને 19 જિલ્લાનો સૌથી મોટો હિસ્સો મધ્યપ્રદેશમાં છે. તે પછી ગુજરાત, મહારાષ્ટ્ર અને યુ.પી.નો સમાવેશ થાય છે.

મધ્યપ્રદેશમાં માંડલા, સિહોર, ઉમરિયા અને છિંદવાડા છે. યુપીમાં લલિતપુર, ઝાંસી, મેરઠ અને આગ્રા છે. મહારાષ્ટ્રમાં નંદુરબાર, જલગાંવ, ધૂલે અને ઓરંગાબાદ છે. ગુજરાતમાં પોરબંદર, આણંદ અને અમદાવાદ છે. પંજાબના કપૂરથલા અને હરિયાણાનું જીંદ પણ ઓછામાં ઓછા 5% સીએફઆરવાળા જિલ્લાઓમાં સમાવિષ્ટ છે.

અધિકારીએ જણાવ્યું કે શનિવારે વડા પ્રધાન દ્વારા બોલાવવામાં આવેલી બેઠકમાં સીએફઆર મુદ્દે ચર્ચા કરવામાં આવી હતી. આ બેઠકમાં ગૃહ પ્રધાન અમિત શાહ, આરોગ્ય પ્રધાન હર્ષ વર્ધન અને અગ્રણી અધિકારીઓ હાજર રહ્યા હતા.