કોરોના વાયરસ / મોટાભાગનાં ટેસ્ટ નેગેટિવ આવતાં, ગુજરાતે ચાઇનીઝ રેપીડ કીટ વાપરવાનું બંધ કર્યું, સરકાર દ્વિધામાં

• લાંબી મથામણ બાદ ગુજરાતે રેપીડ કીટથી ટેસ્ટિંગ બંધ કર્યા 
• 8900 ટેસ્ટિંગ કર્યા બાદ રેપીડ ટેસ્ટ કીટનો ઉપયોગ બંધ કરાયો 
• ચાઇનાથી મંગાવવામાં આવેલ કીટનો ઉપયોગ બંધ કરાયો

ચાઇનાથી મંગાવવામાં આવેલ કીટનો ઉપયોગ બંધ કરાયો છે. લાંબી મથામણ બાદ ગુજરાતે રેપીડ કીટથી ટેસ્ટિંગ બંધ કર્યા છે. 8900 ટેસ્ટિંગ કર્યા બાદ રેપીડ ટેસ્ટ કીટનો ઉપયોગ બંધ કરાયો છે. 

મોટાભાગના દર્દીઓના ટેસ્ટ નેગેટિવ આવતા હતા

મોટાભાગના દર્દીઓના ટેસ્ટ નેગેટિવ આવતા હતા. અનિર્ણાયક પરિણામો બાદ ટેસ્ટિંગ બંધ કરવા કેન્દ્ર સરકારનો નિર્ણયને કારણે ગુજરાતમાં પણ આ નિર્ણય લેવાયો છે. 

ગુજરાતના અનેક જિલ્લાઓમાં રેપીડ કીટથી ટેસ્ટ કરાયા છે. રેપીડ કીટથી થયેલા ટેસ્ટિંગથી સરકાર અને આરોગ્ય વિભાગ દ્વિધામાં હતો. અનેક જિલ્લાઓને રેપીડ કીટથી ટેસ્ટ બાદ કોરોના ફ્રી જાહેર કરાયા હતા. 

ભારતમાં ચીની કીટ પર પ્રતિબંધ 

મહામારીના સંકટમાં પણ ચીન તેની લુચ્ચાઈ છોડતું નથી. પહેલા PPE કીટ અને ત્યારબાદ રેપિડ ટેસ્ટ કીટમાં ખામી સામે આવ્યા પછી ભારતે તેના ઉપયોગ પર પ્રતિબંધ મૂક્યો હતો. ભારતની ટોચની એક તબીબી સંસ્થા ICMR દ્વારા તે ટેસ્ટ કીટની તપાસ કરી રહી છે અને ગુણવત્તાની પુષ્ટિ થયા પછી જ તેનો ઉપયોગ કરવામાં આવશે. ભારત તરફથી ફરિયાદ નોંધાવવા પર ચીને નફ્ફટાઇ બતાવતાં કહ્યું હતું કે ખરીદી કરતા પહેલા કંપનીની તપાસ કરી લેવી જોઇએ. ચીનના વિદેશ મંત્રાલયે કહ્યું કે અમે આ મામલે ભારતને મદદ કરીશું, પરંતુ તે કંપનીઓ પાસેથી જ માલ ખરીદો, જેમને અમારી સરકાર દ્વારા પ્રમાણિત કરવામાં આવી છે