અમદાવાદમાં કોરોના પોઝેટિવ કેસની સંખ્યા વધી રહી છે. 1 કેસથી શરૂ થયેલો આંકડો પાંચ જ દિવસમાં 13 પર પહોંચી ગયો છે.
વડોદરા અને અમદાવાદમાં કેસ વધુ
વડોદરામાં સગર્ભા મહિલા સહિત 6 લોકો કોરોના ગ્રસ્ત બનતા કોરોનાનો ફફડાટ પેસી ગયો છે.
સુરતમાં કોરોના વાયરસના વધુ બે કેસ પોઝિટિવ
સુરતમાં વધુ બે કોરોના વાયરસના પોઝિટિવ કેસ સામે આવ્યાં છે. કોરોનાના વધુ બે પોઝિટિસ નોંધાતા સુરતમાં કોરોના વાયરસની સંખ્યા પાંચ પર પહોંચી છે. સુરતમાં કુલ સાત કોરોનાના શંકાસ્પદ દર્દીઓના સેમ્પલ રિપોર્ટ માટે મોકલાયા હતા જેમાંથી બે દર્દીનો રિપોર્ટ પોઝિટિવ આવ્યો છે. દુબઇથી આવેલા એક 32 વર્ષિય યુવકનો કેસ પોઝિટિવ નોંધાયો છે. જ્યારે એક 45 વર્ષિય વ્યક્તિનો રિપોર્ટ પણ પોઝિટિવ નોંધાયો છે. સુરતમાં એક વ્યક્તિનું કોરોનાને કારણે મોત થયુ હતુ જ્યારે વધુ બે નવા નોંધાયા એટલે સુરતમાં કુલ 5 કોરોના પોઝિટિવ કેસ નોંધાયા છે.