જનજીવન / વડોદરામાં કન્ટેનમેન્ટ ઝોન જાહેર કરાયા, ઓડ ઈવનની ફોર્મ્યુલાથી જનજીવન સામાન્ય કરવાની કવાયત

• ઓડ-ઇવનથી દુકાનો ખુલશે
• વડોદરામાં કન્ટેઇનમેન્ટ ઝોનની યાદી જાહેર
• જિલ્લાના 5 તાલુકાના 10 વિસ્તારો કન્ટેઇનમેન્ટ ઝોનમાં

વડોદરામાં 5 તાલુકાના 10 વિસ્તારોને કન્ટેનમેન્ટ ઝોન તરીકે જાહેર કરવામાં આવ્યા છે. વળી ઓડ ઈવન નંબરથી દુકાનો ખોલવાની પણ પરવાનગી આપવામાં આવી છે. 

કયા કયા વિસ્તાર છે કન્ટેનમેન્ટ ઝોનમાં?

• વડોદરા,ડભોઇ,સાવલી,પાદરા,કરજણના વિસ્તારનો સમાવેશ
• નીલામ્બર પાલ્મ, ધ એમરાલ્ડ રેસીડેન્સી કન્ટેઇનમેન્ટ ઝોન
• નીલામ્બર બંગ્લોઝ 4, અક્ષર વાટિકા કન્ટેઇનમેન્ટ ઝોનમાં
• કરજણના વણકરવાસ, અલકાપુરી વેમાર કન્ટેઇનમેન્ટ ઝોનમાં
• પાદરાના સીમ વિસ્તાર ચોકારી, અધિવફૂલાની ખડકી કન્ટેઇનમેન્ટ ઝોનમાં
• સાવલીના લાલપરી માતા ભાગોળ કન્ટેઇનમેન્ટ ઝોનમાં
• ડભોઇના વ્હોરા વાડ કન્ટેઇનમેન્ટ ઝોનમાં

ઓડ-ઇવનથી દુકાનો ખુલશે

વડોદરા મ્યુનિસિપલ કમિશનર અને પોલીસ કમિશનરે જાહેરનામું બહાર પાડ્યું છે. જેમાં વડોદરાના 90 વિસ્તારને કન્ટેઇનમેંટ ઝોન જાહેર કર્યા છે. કન્ટેઇનમેંટ ઝોન સિવાયના વિસ્તારોમાં ઓડ-ઇવનથી દુકાનો ખુલશે. સવારે 8થી સાંજે ચાર વાગ્યા સુધી દુકાનો ખુલ્લી રાખી શકાશે. અને ગુમાસ્તાધારાના લાયસન્સ નંબરના છેલ્લા આંકના આધારે દુકાનો ખુલશે. લાયસન્સનો છેલ્લો આંક બેકી હશે તો મંગળ, ગુરૂ અને શનિવારના દિવસે દુકાન ખુલશે. અને છેલ્લો આંક બેકી હશે તો સોમ બુધ અને શુક્રવારે દુકાન ખુલી શકશે. વેપારીઓએ દુકાનમાં સોશિયલ ડિસ્ટન્સ જાળવવાની વ્યવસ્થા કરવી. અને શરતોને આધીન તમામ ઉધોગોને મંજુરી આપવામાં આવી છે. જો કે વડોદરાામં સિટીબસને મંજૂરી નથી આપવામાં આવી.

ગુજરાતમાં કોરોનાની સ્થિતિ

રાજ્યમાં કોરોનાના દર્દીઓનો આંકડો વધીને 11 હજાર 746એ પહોંચ્યો છે. હાલમાં રાજ્યમાં કોરોનાના 6248 એક્ટિવ કેસ છે. અત્યાર સુધી 4804 લોકોએ કોરોનાને મ્હાત આપતા હોસ્પિટલમાંથી રજા આપવામાં આવી છે. જ્યારે 694 લોકોના કોરોનાથી મોત થયા છે. રાજ્યમાં અત્યાર સુધી સૌથી વધુ અમદાવાદમાં કોરોનાના કેસ નોંધાયા છે. અમદાવાદમાં અત્યાર સુધી 8686 પોઝિટિવ કેસ નોંધાયા છે. જેમાંથી 2841 લોકોને હોસ્પિટલમાંથી રજા અપાઈ છે