ગુજરાતમાં કોરોના વાયરસનો કહેર જોવા મળી રહ્યો છે. રાજ્યમાં ડોકટરો, પોલીસો સહિત નેતાઓ પણ કોરોનાની ઝપેટમાં આવેલા જોવા મળી રહ્યાં છે. અમદાવાદ શહેરની વાત કરીએ તો અમદાવાદમાં કોંગ્રેસના કોર્પોરેટર બદ્દરુદ્દીન શેખનું કોરોના પોઝિટવના કારણે મૃત્યું થયું હતું. ત્યારે અમદાવાદ શહેર ભાજપ પ્રમુખ અને નિકોલના ભાજપના ધારાસભ્ય જગદિશ પંચાલને કોરોના પોઝિટવ આવતાં એપોલો હોસ્પિટલમાં દાખલ કરવામાં આવ્યાં છે.
અમદાવાદ શહેર ભાજપ પ્રમુખ જગદિશ પંચાલને કોરોના
જગદિશ પંચાલ એપોલો હોસ્ટલમાં દાખલ કરાયાં
નિકોલના ભાજપના ધારાસભ્ય છે જગદિશ પંચાલ
પ્રાપ્ત મળતી વિગત અનુસાર અમદાવાદ શહેર ભાજપ પ્રમુખ અને નિકોલના ધારાસભ્ય જગદિશ પંચાલ કોરોના પોઝિટવ હોવાનું સામે આવ્યું છે. જગદીશ પંચાલ કોરોના પોઝિટિવ લઇને એપોલો હોસ્પિટલમાં દાખલ થયા છે.
કોંગ્રેસના કોર્પોરેટર ઇલાક્ષી પટેલને કોરોના
જ્યારે આજે અમદાવાદમાં વધુ એક કોર્પોરેટર કોરોનાની ઝપેટમાં આવી ગયા છે. શહેરના હાટકેશ્વર-ભાઈપુરા વોર્ડના કોંગ્રેસના કોર્પોરેટર ઈલાક્ષીબેન પટેલને કોરોનાનો રિપોર્ટ પોઝિટિવ આવ્યો છે. કોરોના પોઝિટવ આવતા હવે તેમની સારવાર શરૂ કરી દેવામાં આવી છે.
ઉલ્લેખનીય છે આ અગાઉ અમદાવાદ શહેરમાં કોંગ્રેસના ધારાસભ્ય ઇમરાન ખેડાવાલા અને કોર્પોરેટર બદ્દરુદ્દીન શેખને કોરોના પોઝિટિવ સામે આવ્યો હતો. જો કે ઇમરાન ખેડાવાલા કોરોના મુક્ત થયા જ્યારે કોર્પોરેટર બદ્દરુદ્દીન શેખનું કોરોનાને લઇને મૃત્યું થયું હતું.