કોરોના સંકટે સમગ્ર વિશ્વને ઘુંટણીયે પાડી દીધુ. ભારતમાં તો લોકડાઉનને પગલે પરપ્રાંતિયો અને દાડીયુ કમાતા લોકોની સ્થિતિ કોરનાના ચેપથી થાય એનાથી પણ કફોડી થઈ ત્યારે પ્રસ્તુત છે ગુજરાતમાં શ્રમિકોની સ્થિતિને વર્ણવતી 10 તસવીરો. બની શકે આ તસવીરો તમારી આંખમાં ભીનાશ લઈ આવે. પણ 'પેટ કરાવે વેઠ' એ નાતે કોરોના લાગે કે ન લાગે પણ ભુખ તો લાગે જ છે. પરપ્રાંતિયોને પેટીયુ રળવા માટે મજૂરી ન મળતા તેમણે વતનની વાટ પકડી હતી.
તસવીર 1
માતા દીકરીઓ માટે માથે પતરૂં લઈને છાયોં કરી રહી છે જેથી મે મહિનાની કાળઝાળ ગરમીમાં ફૂલસી માસૂમ દીકરીઓને ઝાંય ન લાગે
તસવીર 2
ચાલતા જ વતનની વાટ પકડી છે પણ ખબર નથી કેટલા દિવસે ઘરે પહોંચીશુ? કપડા અને ડોલ સાથે નીકળી પડેલા પરપ્રાંતિયો
તસવીર 3
વતન જવા માટે પરવાનગી લેવા લાઈનમાં ઉભા રહીને થાકેલા માણસને પાણી પણ નથી મળી રહ્યુ ત્યારે જાહેર નળમાંથી તરસ છીપાવતી પરપ્રાંતિયની આ તસવીર ઘણું કહી જાય છે
તસવીર 4
જ્યાં થાક લાગ્યો ત્યાં પથારી અને જ્યાં ભુખ લાગી ત્યાં રસોડું. પેટીયુ રળવા વતનથી દૂર આવેલા લોકોની બુરી વલે થઈ છે લોકડાઉનમાં
તસવીર 5
મા-દીકરાની આ તસવીર એકબીજાની ચિંતા અને પ્રેમની લોકડાઉનમાં પણ પ્રતિતિ કરાવી જાય છે.
તસવીર 6
વતન પહોંચવા હાથે સિક્કા લગાવેલા પરપ્રાંતિયોની પીડા તેમના મૌનમાં અને આ તસવીરમાં સાફ દેખાઈ આવે છે
તસવીર 7
જે જગ્યાએ રોટલો આપ્યો એનો ઓટલો છોડવાનું પસંદ નથી આવી રહ્યુ પણ પેટનો ખાડો પુરવા કંઈક તો કરવું પડશે પછી ભલેને વતન જઈને ખેતી જ કરવી પડે, આ શ્રમિકની આંખમાં એ પીડા સાફ દેખાય છે. જોડે ભુલકુ જે કશુ સમજતુ નથી પણ તેની હાજરી સૂચક છે
તસવીર 8
રેલવે સ્ટેશન પર માતાના માથે થર્મલ ગન જોઈએ માસ્ક પહેરેલા ભુલકાની આંખોનું પ્રતિંબિંબ એ વાત સમજાવે છે કે, લોકડાઉનની પીડા આ ભોળુળા બાળકે પણ ભોગવવી પડી છે.
તસવીર 9
ખબર નહીં ક્યારે વાહન મળશે અને વતન જઈશું. પણ જઈશું જરૂર. ગરમીથી સંકોચાઈ જતી કાજળ ભરેલી બાળકની આંખો ઘણું ઘણુ કહી જાય છે.
તસવીર 10
આખરે પરવાનગી લઈને વતનની વાટે જવા માટે જ્યારે વાહન મળી ગયું ત્યારે ગુજરાતનો ધન્યવાદ કહીને વિદાય લઈ રહેલા પરપ્રાંતિયોની વેદના પણ બોલ્યા વગર પણ ઘણી વાચાળ છે