સાવધાન / ભાઇ, કોરોના હજુ ગયો નથી સાચવજો! ગુજરાતમાં ફરી નવા 24 કેસની રિએન્ટ્રી, આ શહેરમાં એકનું મોત

 

• રાજ્યમાં કોરોનાના કેસમાં ફરી ઉછાળો
• ગોંડલમાં 7 વર્ષીય બાળક કોરોના પોઝિટિવ 
• રાજકોટમાં 3 દિવસમાં કોરોનાના 11 નવા કેસ
• કેસમાં વધારો થતા આરોગ્ય વિભાગ એલર્ટ

રાજ્યમાં છેલ્લા કેટલાક દિવસોથી કોરોનાના કેસોમાં વધારો થતો જોઈને આરોગ્ય વિભાગ સાબદું થઈ ગયું છે.  રાજ્યમાં જ્યાં પહેલા બે-પાંચ કેસો આવતા હતા ત્યાં હવે 20થી વધુ કેસો સામે આવવા લાગ્યા છે. શુક્રવારે સાંજ સુધીમાં છેલ્લા 24 કલાકમાં રાજ્યમાં કોરોનાના 24 નવા કેસ નોંધાયા છે. રાજકોટ શહેર અને જિલ્લામાં કોરોનાના કેસમાં વધારો થયો છે. 

ગોંડલમાં 7 વર્ષીય બાળકનો રિપોર્ટ પોઝિટિવ 
રાજકોટ જિલ્લાના ગોંડલમાં 7 વર્ષીય બાળકનો કોરોના રિપોર્ટ પોઝિટિવ આવ્યો છે. જિલ્લામાં છેલ્લા 3 દિવસમાં કોરોનાના 11 નવા કેસ નોંધાતા આરોગ્ય વિભાગ એલર્ટ થઈ ગયું છે. 

સુરતની વૃદ્ધાનું કોરોનાથી મોત
સુરતના કાપોદ્રા વિસ્તારમાં રહેતાં 60 વર્ષીય વૃદ્ધાને કોરોનાના લક્ષણો બાદ 4 માર્ચે સ્મીમેરમાં દાખલ કરાયા હતાં. જ્યાં બુધવારે રિપોર્ટ પોઝિટિવ આવ્યા બાદ ગુરુવારે સવારે મહિલાનું મોત નીપજ્યું હતું. વૃદ્ધ મહિલાને ડાયાબિટીસ, બ્લડ પ્રેશર અને કિડનીની જૂની બીમારી હતી. તેમના પરિવારના 7 સભ્ય અને સંપર્કમાં આવેલા 15 વ્યક્તિના રિપોર્ટ નેગેટિવ આવ્યો હતો. 

ગુજરાતમાં કોરોનાની સ્થિતિ
લોકોએ હોળી-ધુળેટીના તહેવારોમાં મણેલી મજા મોંઘી પડતી હોય તેવું લાગી રહ્યું છે.     છે તો લોકોમાં પણ ડરનો માહોલ જોવા મળી રહ્યો છે. ફરી એકવાર રોજિંદા સંક્રમિત અને મૃતકોની સંખ્યામાં વધારો થયો છે. જેમાં આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ શુક્રવાર સાંજ સુધીમાં 24 કલાકમાં કોરોનાના 24 પોઝિટિવ કેસ નોંધાયા છે. તેમજ કોરાનાથી મોતનો એક કેસ છે.

જુઓ 24 કલાકમાં ક્યાં કેટલા કેસ નોંધાયા 

હાલ રાજ્યમાં કોરોનાના કુલ 151 એક્ટિવ કેસો છે. જેમાં એક દર્દી વેન્ટીલેટર પર હોવાનું જાણવા મળી રહ્યું છે. ઉપરાંત 24 કલાકમાં 966 લોકોએ કોરોના પ્રતિરોધક વેક્સિન લીધી હોવાનું પણ સામે આવ્યું છે

8 દર્દીઓ કોરોનાથી સાજા થયા
રાજ્યમાં કોરોનાથી સાજા થવાનો દર 99.12 ટકા નોંધાયો છે. તેમજ 24 કલાકમાં  8 દર્દીઓ કોરોનાથી સાજા થયા છે. હાલ રાજ્યમાં 151 કોરોનાના એક્ટિવ કેસ છે. તેમજ  સુરત શહેરમાં કોરોનાથી એક દર્દીનું મોત થયું છે. 24 કલાકમાં 8 દર્દી સ્વસ્થ થયા છે.  દેશોમાં વકરી રહેલી કોરોનાની ઉપાધિ સામે ફરીવાર ગુજરાતમાં ડબલ ડિઝીટમાં કોરોનાના પોઝીટીવ કેસ નોંધાવા લાગ્યા છે. પરંતુ હાલની સ્થિતિએ સાવચેતી રાખવી ખૂબ જ અગત્યની છે.