કોરોના વેકિસનેશનની તડામાર તૈયારીઓ કરવામાં આવી રહી છે. આજે નાયબ મુખ્યમંત્રીએ ગુજરાતમાં કોરોનાના વેક્સિનના સંગ્રહ અને રસીકરણ અંગે માહિતી આપી હતી. તેવામાં હવે વડોદરામાં વેક્સિનના સંગ્રહ માટે તૈયારીઓ શરૂ થઇ ચૂકી છે.
કોરોના વેકિસનેશનની તડામાર તૈયારીઓ
કોરોના વેકિસનને લઈને વ્યવસ્થા કરાઈ
વડોદરા વેક્સિન ઇન્સ્ટીટ્યૂટ ખાતે લવાયા રેફ્રીજરેટર
વડોદરામાં વેક્સિન ઇન્સ્ટીટ્યૂટ ખાતે 25 આઇસલાઇન રેફ્રીજરેટર લવાયા છે. 20 નાના અને 5 મોટા રેફ્રીજરેટર વડોદરા લવાયા છે. મધ્ય ગુજરાતના 7 જિલ્લાઓમાં રેફ્રીજરેટર મોકલી શકાશે.
મહત્વનું છે કે, કોલ્ડ સ્ટોરેજનો ઉપયોગ રસી રાખવા માટે કરવામાં આવશે. સરકાર પાસે હાલ 6 કોલ્ડ સ્ટોરેજની વ્યવસ્થા છે. 2189 PCH, CHC સેન્ટરમાં રેફ્રિજરેટર વ્યવસ્થા છે. રાજ્યમાં 85 હજાર વેક્સિન કેરિયર ઉપલબ્ધ છે. આ અંગે નાયબ મુખ્યમંત્રીએ માહિતી આપી હતી.
વેક્સિનેશનની તૈયારી શું?
કોરોનાની વેક્સિનની વ્યસ્થાને લઇને DyCM નીતિન પટેલે મહત્વનું નિવેદન આપ્યું હતું. તેમણે કહ્યું કે, કોરોના વેકિસનને લઈને વ્યવસ્થા કરાઈ રહી છે. વેક્સિન આવ્યા પછી પ્રાયોરિટીના ધોરણે વેક્સિન અપાશે. વેક્સિન માટે પ્રાયોરિટીના લોકોની યાદી તૈયાર કરાઈ છે. વેક્સિનેશન માટે સરકાર SMS મારફતે લોકોને જાણ કરશે. તારીખ, સ્થળ અને સમયની જાણકારી SMS મારફતે અપાશે. રાજ્યમાં 85 હજાર વેક્સિન કેરિયર ઉપલબ્ધ છે. રાજ્યમાં રસીકરણ માટે 47,796 વેક્સિન સેન્ટર નક્કી કરાયા છે. રસીકરણ માટે 15,534 ટીમ બનાવાશે. ભારત સરકારની સૂચના પ્રમાણે સેન્ટરની સંખ્યામાં વધઘટ થશે.
મુખ્ય સચિવની અધ્યક્ષતામાં વેક્સિનની સમિતિ બનાવી
વધુમાં DyCMએ કહ્યું કે, કેન્દ્ર સરકારના માર્ગદર્શન પ્રમાણે તૈયારી થઈ રહી છે. રાજ્યમાં તમામ વ્યવસ્થાને આખરી ઓપ અપાયો છે. રસીકરણ ગ્રામ્યસ્તર સુધી ગોઠવવા તૈયારી કરાઈ રહી છે. કલેકટર, મ્યુનિ. કમિશનર સાથે સંકલન થઈ રહ્યું છે. રાજ્યમાં મુખ્ય સચિવની અધ્યક્ષતામાં વેક્સિનની સમિતિ બનાવી છે. કોરોના વેક્સિનને લઈ PM મોદી સતત પ્રયત્નશીલ છે.
સૌથી પ્રથમ વેક્સિન આરોગ્ય વિભાગના કર્મીઓને અપાશે
વધુમાં DyCMએ કહ્યું કે, કોરોના કામગીરી કરતા લોકોને પ્રથમ વેક્સિન અપાશે. આંગણવાડી બહેનો, આશાવર્કર બહેનોને વેક્સિન અપાશે. 2 લાખ 71 હજાર સરકારી કર્મચારીને વેક્સિન અપાશે. પ્રથમ તબક્કામાં 3.96 લાખ આરોગ્યકર્મીને વેક્સિન અપાશે. બીજા તબક્કામાં પોલીસ, હોમગાર્ડ જવાનોને વેક્સિન અપાશે. ત્રીજા તબક્કામાં 50 વર્ષથી વધુ ઉમરના લોકોને વેક્સિન અપાશે. રાજ્યના 33 જિલ્લાઓમાં ટાસ્ક ફોર્સની રચના કરાઈ છે. રાજ્યમાં 6 ઝોનમાં મોટા કોલ્ડ સ્ટોરેજ છે. સરકારના કર્મચારીને રસી આપવાનો ખર્ચ સરકાર ભોગવશે. રસી આપવાનો ચાર્જ મુદ્દે હજુ સુધી કોઈ નિર્ણય નથી.