મહામારી / કર્ણાટકની પાછળ પડ્યો કોરોના, રવિવારે સ્કૂલમાં 43, આજે 101 વિદ્યાર્થીઓ પોઝિટીવ થતા હડકંપ

• ભારતમાં ઓમિક્રોનના ખતરાની વચ્ચે મોટી ઘટના
• કર્ણાટકની એક સ્કૂલમાં 101 વિદ્યાર્થીઓ પોઝિટીવ
• તમામ વિદ્યાર્થીઓમાં એક પણ લક્ષણ જોવા ન મળ્યું 

કર્ણાટકમાં તો કોરોના હાથ ધોઈને પાછળ પડ્યો છે. ભારતમાં ઓમિક્રોનના ખતરાની વચ્ચે કર્ણાટકની એક સ્કૂલમાં કોરોના બ્લાસ્ટ થયો છે. અહીં કુલ 101 લોકોને કોરોના થયો છે. રવિવારે આ આંકડો 69 નો હતો અને 90 વિદ્યાર્થીઓની ઉપરાંત 11 સ્ટાફના લોકો પણ કોરોના પોઝિટીવ થયા છે. 

કર્ણાટકના ધારવાડમાં પણ 43 વિદ્યાર્થીઓ પોઝિટિવ 

તાજેતરમાં, કર્ણાટકના ધારવાડમાં એસડીએમ કોલેજ ઓફ મેડિકલ સાયન્સ અને હોસ્પિટલના લગભગ 182 લોકોને કોરોના સંક્રમિત થયા હોવાની પુષ્ટિ થઈ હતી. જેમાં મોટાભાગના વિદ્યાર્થીઓ છે. લગભગ એક અઠવાડિયા પહેલા, વિદ્યાર્થીઓના એક કાર્યક્રમના આયોજન દરમિયાન, ચેપ ફેલાવવાની સંભાવના હતી. તેની હોસ્ટેલ પણ બંધ હતી. કેટલાક વિદ્યાર્થીઓના વાલીઓએ પણ આ કાર્યક્રમમાં ભાગ લીધો હતો, જેને જોતા અધિકારીઓએ કાર્યક્રમમાં આવેલા તમામ વાલીઓને ટેસ્ટ કરાવવા જણાવ્યું હતું.

ભૂવનેશ્વરમાં પણ 53 વિદ્યાર્થીઓ થતાં કોરોના સંક્રમિત

 ઓડિશાના ભૂવનેશ્વરમાં આશરે 60 કિલોમીટર દૂર ઢેંકનાલ કસ્બામાં કુંજકાંતા સ્થિત સૈકરૂપ આવાસીય કોલેજમાં 53 વિદ્યાર્થીઓ સંક્રમતિ થતાં દોડધામ મચી જવા પામી છએ. ત્યારબાદ નિગમ પ્રશાસને અનિશ્ચિત કાળમાં સંસ્થાને સીલ કરવાના આદેશ આપ્યા છે.

કર્ણાટકમાં દેશનો પહેલો કિસ્સો

દેશમાં કર્ણાટકમાં સૌથી પહેલા ઓમિક્રોનનો કેસ નોંધાયો હતો અહીં બે વ્યક્તિઓનો રિપોર્ટ ઓમિક્રોન પોઝિટીવ આવ્યો હતો.
બંને ચેપગ્રસ્ત દર્દીઓ દક્ષિણ આફ્રિકાથી આવ્યા હતા. યુનિયનના સંયુક્ત આરોગ્ય સચિવ લવ અગ્રવાલે પુષ્ટિ કરી હતી કે ચેપ ગ્રસ્ત દર્દીઓમાંથી એક ૬૪ વર્ષનો છે જ્યારે એક વ્યક્તિ ૪૬ વર્ષનો છે. તેમણે કહ્યું કે બે પુષ્ટિ પામેલા વેરિએન્ટમાંથી એક દુબઈ પાછો આવી ચૂક્યો છે જ્યારે બીજાને ક્વોરેન્ટાઇન મૂકવામાં આવ્યો છે.