રાહત / ગુજરાતમાં 377 નવા કેસ, 9 દર્દીના મોત, 5010 એક્ટિવ કેસ, જાણો હવે ક્યાં કેટલા કોરોના કેસ

• ગુજરાતમાં કોરોનાના કેસમાં ફરી થોડો ઘટાડો
• આજે છેલ્લા 24 કલાકમાં 377 કેસ નોંધાયા
• આજે 9 દર્દીના મોત થયા, 1148 સાજા થયા

રાજ્યમાં સતત કોરોનાનું સંક્રમણ ઘટી રહ્યુ છે. છેલ્લા 24 કલાકમાં કોરોનાના 377 કેસ નોંધાયા છે. 1148 દર્દી સાજા થયા છે. જ્યારે એક્ટિવ કેસની સંખ્યા 5010 આવી પહોંચી છે. તો આજે 9 દર્દીના મૃત્યુ થયા છે. અત્યાર સુધી કોરોનાને કારણે કુલ 10896 દર્દીના મૃત્યુ થયા છે. કુલ 41 કોરોનાગ્રસ્ત દર્દીઓ હાલ વેન્ટિલેટર પર અને 4969 દર્દી સ્ટેબલ છે. કુલ સાજા થયેલા દર્દીઓની સંખ્યા 1204656 પર પહોંચી છે. આજે રાજ્યમાં કુલ 44497 દર્દીઓનું રસીકરણ થયું છે. તો રિકવરી રેટ વધીને 98.70 ટકા પર પહોંચ્યો છે.

અમદાવાદમા કોરોનાના આજે 136 કેસ, વડોદરામાં 72 કેસ, સુરતમાં 26 કેસ, રાજકોટમાં 7 કેસ, ગાંધીનગરમાં 18 કેસ, જામનગરમાં 1 કેસ, ભાવનગરમાં 5 કેસ અને જુનાગઢમાં એકપણ કેસ નોંધાયો નથી.

જ્યારે બનાસકાંઠામાં 18, અરવલ્લીમાં 15, મહેસાણામાં 12, પાટણમાં 11, ખેડામાં 8, કચ્છમાં 7, પંચમહાલમાં 7, નવસારીમાં 5, આણંદમાં 4, ભરૂચમાં 3, દાહોદમાં 3, મહીસાગરમાં 3, વલસાડમાં 3, ડાંગમાં 2, સાબરકાંઠામાં 2, અમરેલીમાં 1, ગીર સોમનાથમાં 1 અને સુરેન્દ્રનગરમાં 1 કેસ નોંધાયો છે.

ગુજરાતમાં આજે વડોદરા શહેરમાં 4, વડોદરા જિલ્લામાં 1, ભાવનગર શહેરમાં 1, જામનગર શહેરમાં 2 અને સુરત જિલ્લામાં 1 મળીને કુલ 9 દર્દીના મોત થયા છે.