IPL 2022 / વારંવાર અમ્પાયરનાં વાઈડ આપવા પર સંજૂ સેમસનનો પિત્તો ગયો, બોલર પણ રહી ગયો દંગ

• કોલકાતા નાઈટ રાઈડર્સ અને રાજસ્થાન રોયલ્સ વચ્ચે હતી મેચ 
• સંજૂ સેમસન અને અમ્પાયર વચ્ચે વાઈડ બોલને લઈને વિવાદ 
• શ્રેયસ અય્યરને નોટ આઉટ આપવા પર સંજૂ સેમસને લીધો DRS 

કોલકાતા નાઈટ રાઈડર્સ અને રાજસ્થાન રોયલ્સ વચ્ચે હતી મેચ 

IPL 2022ની 47મી મેચ સોમવારે રાજસ્થાન અને કોલકાતા વચ્ચે રમવામાં આવી હતી. મેચમાં એક દિલચસ્પ વાત જોવા મળી. KKRની ઇનિંગ દરમિયાન 13મી ઓવરમાં શ્રેયસ અય્યર ટ્રેન્ટ બોલ્ટની લેટ સ્ટમ્પથી બહાર જતા બોલને પુલ કરવા માંગતા હતા, પરંતુ તે બોલ બાઉન્ડ્રીની બહાર ન જઈ શક્યો અને તે બીટ થઇ ગયો. બોલ સંજૂ સેમસનનાં ગ્લવ્સમાં ગયો અને તેમણે જોરદાર અપીલ કરી. 

અમ્પાયરે તેમને આઉટ ન કર્યા અને બોલને વાઈડ જાહેર કર્યો. સંજૂએ તરત જ DRSલીધો. રિપ્લેમાં સ્પષ્ટ જોવા મળ્યું કે અમ્પાયરની ભૂલ હતી. બોલ અય્યરનાં ગ્લવ્સ પર લાગીને ગયો હતો અને તેઓ ક્લિયર આઉટ હતા. સંજૂ સેમસનનાં આ નિર્ણયનાં વખાણ કોમેન્ટ્રી કરી રહેલા મોહમ્મદ કૈફ અને રૈનાએ પણ કર્યા. 

19મી ઓવરમાં જોવા મળ્યો ડ્રામા 
કેકેઆરની બેટિંગની 19મી ઓવરમાં પણ વાઈડ બોલને લઈને ડ્રામા જોવા મળ્યો. પ્રસિદ્ધ કૃષ્ણા બોલિંગ કરી રહ્યા હતા અને ઓવરનાં છેલ્લા બોલ પર બેટ્સમેન રિંકૂ સિંહ ઓફ સ્ટમ્પ અને લેગ સ્ટમ્પ શફલ કરી રહ્યા હતા, જવાબમાં કૃષ્ણાએ પણ રિંકૂને ફોલો કર્યા. અમ્પાયરે તેને વાઈડ બોલ જાહેર કર્યો, જેથી સેમસન ભડકી ગયા. 

RuPay On-The-Go 4s of the Match between Kolkata Knight Riders and Rajasthan Royals is Sanju Samson.#TATAIPL @RuPay_npci #RuPayOnTheGoFours #KKRvRR pic.twitter.com/P5ReJLovxF

— IndianPremierLeague (@IPL) May 2, 2022

પછી 19મી ઓવરનાં ચોથા બોલ પર સંજૂ સેમસને ગુસ્સામાં ખોટો નિર્ણય કર્યો. અમ્પાયરનાં વાઈડ આપવાથી પરેશાન સંજૂએ રીવ્યૂ લેવાનો નિર્ણય કર્યો, જ્યારે બોલ રિંકૂનાં બેટથી ખૂબ જ દૂર હતી અને DRS લેવાનો કોઈ જ અર્થ હતો નહીં. 

રાણા અને રિંકૂએ મેચમાં જીત અપાવી 
મેચમાં રાજસ્થાને KKRને જીત માટે 153 રનનો ટારગેટ આપ્યો હતો, જે ટીમે છેલ્લી ઓવેરના પહેલા જ બોલમાં 3 વિકેટ ગુમાવીને પૂરો કર્યો. કેકેઆરની જીતનાં હીરો નીતીશ રાણા અને રિંકૂ સિંહ રહ્યા હતા. બંને ખેલાડીઓએ ચોથી વિકેટ માટે 38 બોલ પર 66 રન બનાવીને ટીમને જીત અપાવી. 

We 𝐖𝐈𝐍. 💜💛#KKRHaiTaiyaar #KKRvRR #IPL2022 pic.twitter.com/5RaLp51n6C

— KolkataKnightRiders (@KKRiders) May 2, 2022

રાણાએ 27 બોલમાં 48 રન બનાવ્યા. પોતાની ઇનિંગમાં તેમણે 3 ચોક્કા અને બે સિક્સર ફટકારી. જ્યારે , રિંકૂએ 23 બોલ પર 42 રન બનાવ્યા. રિંકૂએ આ ઇનિંગમાં 6 ચોક્કા અને 1 સિક્સર ફટકારી. રિંકૂ સિંહને તેમની બેટિંગ માટે પ્લેયર ઓફ ધ મેચનો એવોર્ડ પણ મળ્યો. 

પોઈન્ટ્સ ટેબલમાં 7માં નંબર પર કોલકાતા 
કોલકાતાની સતત 5 હાર બાદ આ [પહેલી જીત છે. ટીમે અત્યાર સુધી ટુર્નામેન્ટમાં 10 મેચ રમી છે અને 4માં જીત મેળવી છે. 6માં કેકેઆરએ હારનો સામનો કરવો પડ્યો છે. શ્રેયસ અય્યરની કપ્તાનીવાળી ટીમ 8 પોઈન્ટ્સ સાથે પોઈન્ટ્સ ટેબલ પર સાતમાં સ્થાન પર પહોંચી ગઈ છે, જયારે રાજસ્થાન રોયલ્સની 10 મેચમાં ચોથી હાર રહી હતી.