નિયમ ભંગ / ગાંધીનગર મનપાનો ચૂંટણી જંગ: સેક્ટર 19ના મતદાન કેન્દ્રમાં થયો મોટો વિવાદ, મામલો ચૂંટણી અધિકારી સુધી પહોંચ્યો

ગાંધીનગર મહાનગર પાલિકાની ચૂંટણી
સેક્ટર-19માં મતદાન કેન્દ્રમાં થયો વિવાદ
AAPના કાર્યકર્તા બુથમાં ટોપી પહેરી બેસતા વિવાદ

ગાંધીનગર મહાનગર પાલિકાની ચૂંટણીમાં સેક્ટર-19માં મતદાન કેન્દ્રમાં થયો વિવાદ, AAPના કાર્યકર્તા બુથમાં ટોપી પહેરી બેસતા વિવાદ, કોંગ્રેસના નેતા નિશીત વ્યાસે ઉઠાવ્યો વાંધો

ગાંધીનગરમાં આજે મનપાની ચૂંટણીમાં સવાર 7 વાગ્યાથી જ મતદાનની શરૂઆત થઈ ગઈ છે.  ગાંધીનગર મનપાના 11 વોર્ડની 44 બેઠકો પર મતદાન પ્રક્રિયા શરૂ કરી દેવામાં આવી છે ત્યારે વહેલી સવાથી જ નાગરીકો મતદાન કરવા ઉમટી રહ્યા છે.પણ ગાંધીનગર મહાનગર પાલિકાની ચૂંટણીમાં સેક્ટર-19માં મતદાન કેન્દ્રમાં વિવાદે જોર પકડયું છે. AAPના કાર્યકર્તા બુથમાં ટોપી પહેરી બેસતા મોટો વિવાદ સર્જાયો છે. કોંગ્રેસના નેતા નિશીત વ્યાસે વાંધો ઉઠાવી AAP અને ભાજપ પર આકરા પ્રહાર કર્યા છે.

વિવાદનું કારણ AAPની ટોપી
ગાંધીનગર મહાનગરપાલિકાની ચૂંટણીનું મતદાન જોરશોરથી ચાલી રહ્યું છે.પણ સેક્ટર 19ના મતદાન મથકમાં AAPના કાર્યકર્તા બુથમાં ટોપી પહેરી બેસતા વિવાદ સર્જાયો છે. દરેક પાર્ટી પોતાનો બુથ કાર્યકર ચૂંટણીમાં કાઇ ગેરરીતિ ન થાય તે માટે દરેક મતદાન મથકમાં બેસાડતી હોય છે એ જ રીતે  સેક્ટર 19ના મતદાન મથકમાં AAPના કાર્યકર્તા ટોપી પહેરીને બેઠા હતા એવો કોંગ્રેસના નેતા નિશીત વ્યાસે આરોપ લગાવ્યો છે.

મહત્વનું છે કે ચૂંટણીના મતદાન સમયે આચાર સાહિતા લાગતી હોવાથી મતદાન મથકની 100 મીટરની આસપાસ કોઈ પણ રીતે પ્રચાર કરવો ગેરકાયદે ગણાય છે પણ અહી તો આપનો બુથ કાર્યકર સરેઆમ ચૂંટણી નિયમોનો ભંગ કરી રહ્યો હતો અંદર બેઠેલા અધિકારીઑ પણ આ બાબતને નોટિસ કરી શક્યા ન હતા. ત્યારે કોંગ્રેસના નેતા નિશીત વ્યાસે ચૂંટણી અધિકારીને ફોન પર કરી ફરિયાદ કરતાં AAPના મહિલા કાર્યકર્તાએ ટોપી કાઢી નાખી હતી.કોંગ્રેસ નેતાએ AAP પાર્ટી પર મોટા આરોપ લગાવ્યા છે. અને મતદાન મથકમાં બેઠેલા અધિકારી પર પણ મોટા આરોપ કર્યા છે