દૂધ સ્વાસ્થ્ય માટે છે બેસ્ટ પરંતુ જરુરિયાત કરતા વધારે દૂધ પીવાથી શરીરને થાય છે નુકસાન
વધારે પડતુ દૂધ પીવુ છે નુકસાનકારક
તમને થઇ શકે છે પાચનની સમસ્યા
બધા લોકો દૂધને પચાવી શકતા નથી
દૂધને હેલ્ધી ખોરાક ગણવામાં આવે છે. ખાસ કરીને બાળકોને દૂધ પીવડાવવાનો માતા આગ્રહ રાખે છે. કેલ્શિયમ અને વિટામિન્સથી ભરપૂર દૂધ નાની ઉંમરના બાળકોથી લઇને વૃદ્ધોએ પણ પીવુ જોઇએ. પરંતુ ઘણા એવા લોકો હોય છે જેમને દૂધ એટલુ પ્રિય હોય છે કે સવાર અને સાંજે દૂધ પીવાનો જ આગ્રહ રાખે છે. તો ઘણા એવા પણ હોય છે જેઓને દૂધની સ્મેલથી પણ મોં બગડી જાય. પરંતુ જે લોકો દૂધ પીવાની લિમિટ રાખતા નથી તેઓ કદાચ જાણતા નહી હોય કે જરુરિયાત કરતા વધારે દૂધ પીવુ એ કેટલું નુકસાની છે.એક રિસર્ચ જણાવે છે કે દૂધનો મહત્તમ ઉપયોગ આપણા શરીરને નુકસાન પહોંચાડે છે. ત્યારે આવો જાણીએ વધારે દૂધ પીવાથી શું થાય છે નુકસાન
સ્કીને એલર્જી
એવું કહેવાય છે કે દૂધમાં આવા જરૂરી તત્વો મળી આવે છે જે આપણા વાળ, ત્વચા અને દાંત માટે પણ જરૂરી છે. પરંતુ કેટલીકવાર દૂધનું વધુ પડતું સેવન ત્વચામાં એલર્જીક પ્રતિક્રિયાઓનું કારણ બને છે. તેના વધુ પડતા સેવનથી શરીરમાં દરેક જગ્યાએ પિમ્પલ્સ અને ફોલ્લીઓ નીકળી જાય છે.
સુસ્તી અને થાક અનુભવાય
દૂધનું સેવન કર્યા પછી ઘણા લોકોને એલર્જીની સમસ્યા પણ થવા લાગે છે. ઘણા લોકો તેને પચાવી શકતા નથી, ખાસ કરીને બાળકોમાં આવી સમસ્યાઓ થવા લાગે છે. આવી સ્થિતિને લીકી ગટ સિન્ડ્રોમ કહેવામાં આવે છે. આ થાક અને સુસ્તીના લક્ષણોમાં પરિણમે છે.
પાચન સાથે સમસ્યાઓ
દૂધનું વધુ પડતું સેવન કરવાથી પેટની સમસ્યા થઈ શકે છે. દૂધ પીવાથી આપણું પેટ ભરાય છે અને ઘણા લોકો એટલું દૂધ પીતા હોય છે જેના કારણે તેમનું પેટ ફૂલી જાય છે, આવી સ્થિતિમાં ઉલ્ટી અને બેચેની જેવી સમસ્યાઓ આવી શકે છે.