કોંગ્રેસના 20 જેટલા સ્ટાર પ્રચારકોની યાદી તૈયાર કરવામાં આવી છે. જેમાં ગુજરાત સહિત રાષ્ટ્રીય કોંગ્રેસના નેતાઓ પણ પ્રચારમાં જોડાશે.
રાજ્યમાં સ્થાનિક સ્વરાજ્યની ચૂંટણી
કોંગ્રેસના સ્ટાર પ્રચારકોનું લિસ્ટ તૈયાર
કોંગ્રેસના 20 જેટલા સ્ટાર પ્રચારકોની યાદી તૈયાર
રાજ્યમાં સ્થાનિક સ્વરાજ્યની ચૂંટણીમાં કોંગ્રેસના સ્ટાર પ્રચારકોનું લિસ્ટ તૈયાર થઈ ગયું છે. કોંગ્રેસના 20 જેટલા સ્ટાર પ્રચારકોની યાદી તૈયાર કરવામાં આવી છે. જેમાં ગુજરાત સહિત રાષ્ટ્રીય કોંગ્રેસના નેતાઓ પણ પ્રચારમાં જોડાશે. જેમ ભાજપ દ્વારા પણ પોતાના સ્ટાર પ્રચારકોને મેદાને ઉતારી દેવાયા છે. જેમાં સ્મૃતિ ઈરાની પણ ગુજરાતમાં પ્રચાર કરતા જોવા મળશે. તો આ તરફ કોંગ્રેસમાંથી પણ હાર્દિક પટેલ અને શક્તિસિંહ ગોહિલ સહિતના નેતાઓ સ્ટાર પ્રચાર કરશે.
કોંગ્રેસનો ચૂંટણી ઢંઢેરો લઈને સ્ટાર પ્રચારકો મેદાને ઉતરશે. આ વખતે કોંગ્રેસ દ્વારા તૈયાર કરવામાં આવેલા મેનિફેસ્ટોનું નામ શપથપત્ર તરીકે રાખવામાં આવ્યું છે. તો બીજી તરફ સુરત સહિત સૌરાષ્ટ્ર અને ઉત્તર ગુજરાતમાં નેતાઓ પોતાની સભાઓ ગજવશે. સાથે મધ્ય ગુજરાત અને દક્ષિણ ગુજરાત સુધી કોંગ્રેસ હવે એડીચોટીનું જોર લગાવી રહી છે. મહત્વનું છે કે, ગત વિધાનસભાની ચૂંટણીમાં સૌરાષ્ટ્રમાંથી કોંગ્રેસને અનેક બેઠકો મળી હતી. જેને લઈ ક્યાંકને ક્યાંક કોંગ્રેસ પણ આ વિસ્તારોમાંથી આશાવંત હશે.