વિધાનસભા ચૂંટણી / કોંગ્રેસે મહારાષ્ટ્ર ચૂંટણી માટે 51 ઉમેદવારોનું પહેલુ લિસ્ટ જાહેર કર્યું

• મહારાષ્ટ્રમાં કોંગ્રેસ અને એનસીપી સાથે મળીને ચૂંટણી લડી રહી છે
• 2014ની ચૂંટણીમાં કોંગ્રેસે 42, એનસીપીએ 41 બેઠકો પર મેળવી હતી જીત
• કોંગ્રેસ અને એનસીપી 125-125 બેઠકો પર લડશે

મહારાષ્ટ્રમાં કોંગ્રેસ અને શરદ પવારની એનસીપી સાથે મળીને ચૂંટણી લડી રહી છે. બંને પાર્ટીઓ 125-125 બેઠકો પર લડશે અને બાકી 38 બેઠકો પર સહયોગી પાર્ટીઓ ચૂંટણી લડશે. આ પહેલા વર્ષ 2014ની વિધાનસભા કોંગ્રેસ અને એનસીપીએ અલગ-અલગ લડી હતી.

The Congress Central Election Committee announces the first list of candidates for the ensuing elections to the Legislative Assembly of Maharashtra pic.twitter.com/LUruU7UNWB

— Congress (@INCIndia) September 29, 2019

ત્યારે કોંગ્રેસ અને એનસીપી વચ્ચે બેઠકોની વહેંચણી પર સહમતી બની નહોતી. જે બાદ પવારની પાર્ટીએ 15 વર્ષ જુનુ ગઠબંધન તોડી નાંખ્યું હતું. ગત વિધાનસભા ચૂંટણીમાં કોંગ્રેસે 42 તો એનસીપીએ 41 બેઠકો પર જીત હાંસલ કરી હતી. 

જ્યારે ભાજપે 122 બેઠકો મેળવી હતી. કોંગ્રેસ અને એનસીપી વચ્ચે આગામી વિધાનસભા ચૂંટણીને લઇને થયેલ ગઠબંધનની પહેલા બંને પાર્ટીના ઘણા પ્રમુખ નેતાઓ સાથ છોડીને જઇ ચૂક્યા છે. આ નેતાઓમાંથી કેટલાક ભાજપ તો કેટલાકે શિવેસેનામાં સામેલ થયા છે.