Video / PM મોદી સંસદમાં આવતા નથી, આ રીતે લોકતંત્ર ના ચાલે: રાહુલ ગાંધીએ સરકાર પર કર્યા આકરા પ્રહાર

• રાહુલ ગાંધીએ દિલ્હીમાં કાઢ્યું માર્ચ 
• સાંસદોને સસ્પેન્ડ કરવા મામલે સરકારનો વિરોધ 
• પ્રધાનમંત્રી સંસદમાં નથી આવતા: રાહુલ ગાંધી 

પ્રધાનમંત્રી કેમ સંસદમાં આવતા નથી 
કોંગ્રેસ નેતા રાહુલ ગાંધીએ આજે સંસદમાં વિપક્ષી સાંસદો સાથે ગાંધીજીની પ્રતિમા સામે પ્રદર્શન કર્યું હતું. આ પ્રદર્શનમાં અલગ અલગ પાર્ટીઓના સાંસદો જોડાયા હતા જેમા TMCનાં ડોલા સેન પણ હતા. રાહુલ ગાંધીએ કહ્યું કે પ્રધાનમંત્રી મોદી સંસદમાં તો આવતા જ નથી, આ લોકતંત્ર ચલાવવાની રીત નથી. 

Congress leader shri @RahulGandhi ji along with Opposition MPs are marching from Parliament to Vijay Chowk demanding to revoke the suspension of 12 Rajya Sabha MPs pic.twitter.com/1TkJolSaRE

— Youth Congress (@IYC) December 14, 2021

સરકાર ભાગી રહી છે
રાહુલ ગાંધીએ કહ્યું કે સાંસદોને સસ્પેન્ડ કરી દેવામાં આવી રહ્યા છે. જે મુદ્દાઓ પર વિપક્ષને ચર્ચા કરવી છે તેના પર સરકાર ભાગી જાય છે અને લોકોની અવાજ દબાવવા માટે તેમને સસ્પેન્ડ કરવામાં આવી રહ્યા છે. આ લોકતંત્રની હત્યા છે. 

લખીમપુર કાંડ મામલે કહ્યું, અમે તો પહેલા જ કહ્યું હતું ને 
લખીમપુર ખીરી મામલે તપાસ મામલે રાહુલે કહ્યું કે અમે તો પહેલા જ કહ્યું હતું કે ખેડૂતોને મારવા માટેનું કામ કરવામાં આવ્યું છે. બધાને હકીકત ખબર છે, પ્રધાનમંત્રીને પણ બધી ખબર છે. તેમના જ મંત્રીમંડળમાં છે ને અજય મિશ્રા. 

लोकतंत्र में बहस व असहमति का महत्व-

इस विषय में मोदी सरकार को ट्यूशन की ज़रूरत है।#Debate #Dissent #Democracy

— Rahul Gandhi (@RahulGandhi) December 14, 2021

ટ્યુશન લેવાની જરૂર છે
આ પહેલા રાહુલ ગાંધી ટ્વિટ કરીને આજે કહ્યું હતું કે નરેન્દ્ર મોદી સરકારે લોકતંત્રમાં ચર્ચા અને અસહમતીને લઈને ટ્યુશન લેવાની જરૂર છે.