કોંગ્રેસના કાળા બોક્સના બહાને પ્રધાનમંત્રી નરેન્દ્ર મોદીને ઘેર્યા છે. કોંગ્રેસે એક વીડિયો રજૂ કરીને પૂછ્યું કે પીએમના હેલિકોપ્ટરથી ઉતારવામાં આવ્યું હતું તે બોક્સમાં શું હતું અને ચૂંટણી પંચે તપાસની માંગ કરી છે. ભાજપે વીડિયો પર પલટવાર કર્યા કહ્યું કે કોંગ્રેસે હડધૂત થઇને વીડિયો રજૂ કર્યો છે.
લોકસભા ચૂંટણીમાં હવે કોંગ્રેસ અને ભાજપની જંગમાં બ્લેક બોક્સની એન્ટ્રી થઈ છે. જેને કર્ણાટકના ચિત્રદુર્ગમાં પ્રધાનમંત્રી નરેન્દ્ર મોદીના હેલિકોપ્ટરમાંથી ઉતારાયું હતું. આ બોક્સને લઈને કોંગ્રેસે ભાજપ પર નિશાન સાધ્યું છે અને ચૂંટણીપંચને ફરિયાદ કરી કાળા બક્સામાં શું હતું તેના વિશે તાત્કાલિક તપાસની માગણી કરી છે. એટલું જ નહીં કોંગ્રેસે એક વીડિયો શેર કર્યો છે જેમાં કેટલાક લોકો હેલિકોપ્ટરમાંથી બ્લેક બોક્સને ઉતારી એક કારમાં લઈ જતાં જોવા મળી રહ્યા છે.
આ અંગે કોંગ્રેસેના વરિષ્ઠ નેતા આનંદ શર્માએ આરોપ લગાવ્યો કે, જે બોક્સને હેલિકોપ્ટરમાંથી ઉતારાયું તેને એક ખાનગી કારમાં મુકવામાં આવ્યું હતું. જે કાર પ્રધાનમંત્રીના કાફલાનો હિસ્સો જ ન હતી. ત્યારે જો આ બોક્સ પ્રધાનમંત્રી સાથે ન લઈ જવાયું તો આખરે ક્યાં લઈ જવાયું ? અને જે ખાનગી કારમાં બોક્સ લઈ જવાયું તે કાર કોની હતી ?
A mysterious box was unloaded from PM Modi’s helicopter at Chitradurga yesterday and loaded into a private Innova which quickly sped away. The #ElectionCommission should enquire into what was in the box and to whom the vehicle belonged. @ceo_karnatakapic.twitter.com/iudqT143Bv
અત્રે ઉલ્લેખનીય છે કે 12 એપ્રિલે પ્રધાનમંત્રીની ચિત્રદુર્ગમાં રેલી હતી. કોંગ્રેસનો આરોપ છે કે આ દિવસે પ્રધાનમંત્રીની રેલી પહેલા કાળા બોક્સ ઉતારવામાં આવ્યું. પાર્ટીએ ચૂંટણી પંચે તેની તપાસની માગ કરી છે.