અમદાવાદ / અહિંસા માર્ગે કોંગ્રેસે સરકાર સામે અનોખી રીતે નોંધાવ્યો વિરોધ, જાણો કેવી રીતે કર્યો વિરોધ

• કોંગ્રેસે પતંગ ચગાવી સરકાર સામે વિરોધ વ્યક્ત કર્યો
• વિરોધ કરવા કોંગ્રેસે ખાસ પતંગ તૈયાર કર્યા
• પતંગ પર મોંઘવારી અંગે પ્રહાર કરતા સૂત્રો લખ્યા 

આ સમસ્યાને સરકાર પહોંચી વળી નથી

સરકાર મોંધવારી  અને બેરોજગારી સ્થિતિને પહોંચી વળી નથી. ત્યારે પ્રજા અને વિરોધ પક્ષ આ તમામ સમસ્યાને પહોંચી વળવામાં નિષ્ફળ રહેલી સરકાર સામે લાલ આંખ કરી છે. અનેકવાર સરકાર સામે પ્રજા અને વિપક્ષ વિરોધ નોંધાવ્યો છે. ત્યારે આ વખતે અમદાવાદ કોંગ્રેસ દ્વારા મોંઘવારીને મુદ્દે સરકાર સામે અનોખો વિરોધ કરવામાં આવ્યો છે. 

કોંગ્રેસે પતંગ પર સમસ્યા લખી વિરોધ નોંધાવ્યો

કોંગ્રેસે આકાશમાં પતંગ ચગાવી અને સરકાર સામે વિરોધ વ્યક્ત કર્યો. વિરોધ કરવા કોંગ્રેસે ખાસ પતંગ તૈયાર કર્યા છે. જેમાં મોંઘવારી, બેરોજગારી અને શિક્ષણ તેમજ વિરોધની વાત કરવામાં આવી છે. પતંગ પર મોંઘવારી અંગે પ્રહાર કરતા સૂત્રો લખ્યા છે. ત્યારે આ અંગે કોંગ્રેસ નેતા શશિકાંત પટેલે કહ્યું કે, હાલ મોંઘવારી અને બેરોજગારીને કારણે લોકો પરેશાન છે. અમે આ પતંગો એટલા માટે બનાવ્યા છે કારણ કે હાલ યુવાનો પાસે પતંગ ખરીદવાના પૈસા નથી. ત્યારે અમે પતંગ આપી સરકાર સામે વિરોધ કરી રહ્યાં છે.