જૂનાગઢ / મનપાની ચૂંટણી પહેલા કોંગ્રેસને મોટો ઝટકો, વિનુ અમીપરા જોડાયા ભાજપમાં

જૂનાગઢ મહાપાલિકાની ચૂંટણી પહેલા કોંગ્રેસને મોટો ઝટકો પડ્યો છે. જૂનાગઢ શહેરના કોંગ્રેસ પ્રમુખ વિનુ અમીપરા ભાજપમાં જોડાયા છે. 

વિનુ અમીપરા કોંગ્રેસમાંથી રાજીનામું આપી ચુક્યા છે. પ્રદેશ ભાજપ પ્રમુખ જીતુ વાઘાણીએ વિનુ અમીપરાને ભાજપનો ખેસ પહેરાવ્યો છે. તેમજ તેઓ પોતાના ટેકેદારો સાથે ભાજપમાં સામેલ થયા છે. 

વિનુ અમીપરાએ વીટીવી સાથે વાતચીત કરતા જણાવ્યુ કે, કોંગ્રેસમાં નહી હવે ભાજપમાં જોડાઈને વિકાસના પ્રશ્નો હલ કરવાના છે. ઉલ્લેખનીય છે કે એક યુવા તરીકે એમની જૂનાગઢમાં ઓળખ છે. તેમજ તેઓ વિનુ અમીપરા લેઉવા પાટીદાર સમાજનો જાણીતો ચહેરો છે.