ચૂંટણી / કોંગ્રેસના ઉમેદવાર લલિત કગથરાએ CM રૂપાણીને પગે લાગી લીધા આશીર્વાદ

લોકસભા ચૂંટણીના ત્રીજા તબક્કામાં 14 રાજ્યો અને કેન્દ્રશાસિત રાજ્યોની 117 લોકસભા સીટ માટે આજે મતદાન શરૂ થઈ ગયું છે. ત્રીજા તબક્કામાં ગુજરાતની 26, કેરળની 20, ગોવાની 2, દાદરા નાગર હવેલીની 1, દીવ-દમણની 1, આસામની 4, બિહારની 5, છત્તીસગઢની 7, જમ્મુ-કાશ્મીરની 1, કર્ણાટકની 14, ઓરિસ્સાની 6, ઉત્તરપ્રદેશની 10 અને પશ્ચિમ બંગાળની 5 સીટ માટે મતદાન થઇ રહ્યું છે. ત્યારે રાજકોટ કોંગ્રેસના ઉમેદવાર લલિત કગથરા રૂપાણીને પગે લાગ્યા હતા. જોઇએ આ વિશેષ અહેવાલ.

લોકસભાની ચૂંટણીનું મતદાન થઇ રહ્યું છે ત્યારે મુખ્યમંત્રી વિજય રૂપાણી મતદાન મથકે પહોંચ્યા હતા ત્યારે રાજકોટ કોંગ્રેસના ઉમેદવાર લલિત કગથરા રૂપાણીને પગે લાગ્યા હતા. આ સમયે ઉપસ્થિત લોકોમાં આશ્ચર્યુ સર્જાયું હતું. વડીલોના આશીર્વાદ લેવા એ સંસ્કાર માની લલિત કગથરાએ મુખ્યમંત્રીને પગે લાગ્યા હતા.
 

તમને જણાવી દઇએ કે, મુખ્યમંત્રી વિજય રૂપાણી પત્ની અંજલી રૂપાણી સાથે મુખ્યમંત્રી મતદાન મથકે પહોંચ્યા હતા અને મતાધિકારનો ઉપયોગ કર્યો હતો. સાથે જ ગુજરાતની તમામ બેઠકો પર જીતનો વિશ્વાસ વ્યક્ત કર્યો. તમને જણાવી દઇએ કે, મુખ્યમંત્રી વિજય રૂપાણીએ મતદાન પહેલાં શિવમંદિરમાં પૂજા અર્ચના કરી હતી. શિવજીને જળાભિષેક કરી રિઝવવાનો પ્રયાસ કર્યો હતો.