મોટો નિર્ણય / કોરોનાના કારણે કોંગ્રેસે રદ્દ કરી 2022ની ચૂંટણીની તમામ રેલીઓ, પ્રિયંકા ગાંધીએ લીધો મોટો નિર્ણય

• ઉત્તરપ્રદેશ કોંગ્રેસ દ્વારા લેવાયો મોટો નિર્ણય 
• કોરોનાને કારણે પાર્ટીએ રદ કરી બધીજ રેલી 
• છોકરીઓની મેરાથોન દોડ પણ કરી રદ 

દેશમાં હાલ યુપી સહિત મોટા ભાગના રાજ્યોમાં કોરોનાનો રાફડો ફાટી નીકળ્યો છે. સંક્રમણ વાયુ વેગે ફેલાવાને કારણે હવે યુપી કોંગ્રેસ દ્વારા મોટો નિર્ણય લેવામાં આવ્યો છે. પાર્ટી દ્વારા એવો નિર્ણય લેવામાં આવ્યો છે કે હવે કોરોનાને કારણે કોઈ મોટી રેલી નહી યોજાય અને મોટા ભાગે વર્ચ્યુઅલ રેલીનું આયોજન કરવામાં આવશે. 

મેરાથોન દોડ રદ કરવામાં આવી 

આ સાથેજ છોકરી માટે રાજ્યમાં જે મેરાથોન દોડનું આયોજન કરાયું તેને પણ રદ કરી દેવામાં આવી છે. જેંમા વારાણાસી અને અને અજમગઢમાં આ દોડનું આયોજન કરાયું હતું પરંતુ કોરોનાની સ્થિતીને ધ્યાનમાં રાખતા આ દોડને રદ કરી દેવામાં આવી છે. 

મોટી સંખ્યામાં ભીડ થવાની હતી સંભવના 

કોંગ્રેસ દ્વારા આ નિર્ણય એવા સમયે લેવામાં આવ્યો જ્યારે છોકરીઓ મોટી સંખ્યામાં દોડ માટે ભેગી થઈ રહી હતી જેથી કોઈ પણ પ્રકારની ભીડ ન થાય તેને લઈને કોંગ્રેસ દ્વારા આ નિર્ણય લેવામાં આવ્યો છે. બરેલીમાં આવીજ એક મેરાથોન રેસ થઈ હતી જેમા ભાગદોડ જોવા મળી હતી અને આ ભાગદોડમાં ઘણા લોકો ઘાયલ થયા હતા. જેને લઈને લોકો કોંગ્રેસની મેરાથોન દોડ પર સવાલો ઉઠાવી રહ્યા હતા. 

યુપીમાં ચૂંટણીની તૈયારી પૂરજોશમાં 

ઉલ્લેખનીય છે કે ઉત્તરપ્રદેશમાં આ વર્ષે વિધાનસભા ચૂંટણી યોજાશે જેમા કોંગ્રેસ દ્વારા મહિલાઓના અધિકારને લઈને મુદ્દાઓ ઉઠાવામાં આવી રહ્યા છે અને તેનેજ લઈને કોંગ્રેસ દ્વારા છોકરીઓની મેરાથન દોડનું આયોજન કરવામાં આવ્યું હતું.