સોનૂ સૂદ આ લોકડાઉનના સમયમાં પરપ્રાંતિયોની મદદે આવ્યા છે. ફરિશ્તા બનીને તેમણે પરપ્રાંતિયોની મદદ કરી છે. મુંબઇથી યુપી, બિહાર અને દેશના ખૂણે ખૂણે પોતાના વતન જવા માટે પોતાના બંને હાથ લંબાવ્યા છે. ત્યારે યુપી કોંગ્રેસે સોનૂ સૂદની આ મદદ પર રાજનીતિ શરૂ કરી દીધી છે.
સોનૂની મદદ પર રાજકારણ
કોંગ્રેસનો યોગી સરકાર પર પ્રહાર
शुक्र मनाइए कि सोनू सूद जी महाराष्ट्र में नेक काम कर हजारों यूपी के लोगों को मदद कर रहे हैं। यूपी में होते तो यूपी सरकार पहले बसों को स्कूटर बोलती, फिर उनकी फिटनेस का अड़ंगा अटकाती और फिर सोनू सूद को जेल में डाल देती।
योगी सरकार नेक कार्य/ सेवा कार्य करने पर जेल भेजती है।
યુપી કોંગ્રેસે યોગી સરકાર પર કટાક્ષ કરતાં ટ્વિટ કર્યું છે કે " સારું છે કે તમે મહારાષ્ટ્રમાં રહીને આ કામ કરી રહ્યાં છો, હજારો યુપીવાસીઓની વ્હારે આવ્યા છો. જો તમે યુપીમાં હોત તો સરકાર બસને સ્કૂટર કહેત અને પછી સોનૂનો વાંક કાઢીને તેને જેલ ભેગો કરી દેત. યોગી સરકાર સેવાકાર્ય કરવા પર પણ જેલમાં ધકેલી દે છે."
આ ટ્વિટ ઉત્તર પ્રદેશ કોંગ્રેસના ટ્વિટર હેન્ડલ પરથી કરવામાં આવ્યું છે. જ્યાં ફેન્સ પોતપોતાની પ્રતિક્રિયા આપી રહ્યાં છે. સોનૂ સૂદના આ સેવાકાર્યની સોશિયલ મિડિયા પર ખૂબ જ ચર્ચા થઇ રહી છે. તેમને લોકો સુપરહિરોના નામે પણ સંબોધવા લાગ્યા છે. લોકોને તેમના ઘરે પહોંચાડનાર સોનૂ સૂદ અસલી હિરો છે.
સોનૂને આજે હજારોની સંખ્યામાં લોકો મેસેજ અને ટ્વિટ કરી રહ્યાં છે. સોનું તે દરેકને આશ્વાસન આપી રહ્યાં છે. સોનૂ પોતે તેમનું ટ્વિટર હેન્ડલ કરી રહ્યાં છે અને સોનૂએ લોકોને નિરાશ નથી કર્યાં. દરેક વ્યક્તિને રિપ્લાઇ કરીને બનતી દરેક મદદ કરી છે.
સોનૂથી લોકોનું દુ:ખ જોવાઇ નહોતું રહ્યું. તેમણે નક્કી કરી લીધું હતું કે તે ફસાયેલા દરેક વ્યક્તિને આ સંકટમાંથી બચાવશે. તે દરેક વ્યક્તિને તેમના ઘર સુધી પહોંચાડવામાં મદદ કરશે. સોનૂ ફસાયેલા આ શ્રમિકોને પોતાનો પરિવાર માની રહ્યાં છે અને તેમના માટે સંભવ થાય તે દરેક પ્રયત્ન કરી રહ્યાં છે.
સોનૂના આ સેવાકાર્ય પર થઇ રહેલી આ રાજનીતિને લઇને સોનૂએ હજુ સુધી કોઇ પ્રતિક્રિયા આપી નથી. યોગી સરકાર હવે આ વાતનો જવાબ કેવી રીતે આપે છે તે જોવું રહ્યું. ત્યાં સુધી ઘરમાં રહો સુરક્ષિત રહો.