કોંગ્રેસના સભ્ય બનવા માટે કોઈપણ વ્યક્તિએ દારું અને ડ્રગ્સથી દૂર રહેવાની પ્રતિજ્ઞા લેવી પડશે અને એફિડેવિટ પણ આપવું પડશે કે તે જાહેર મંચ પર પાર્ટીની નીતિઓ અને કાર્યક્રમોનું ક્યારેય આલોચના કરશે નહીં, ટીકા કરશે નહીં.
કોંગ્રેસે સભ્યપદ માટે જાહેર કર્યા નવા નિયમો
દારું અને ડ્રગ્સથી દૂર રહેવાનું આપવું પડશે વચન
1 નવેમ્બરથી શરૂ થશે સદસ્યતા અભિયાન
દેશની સૌથી જૂની પાર્ટીના સભ્યપદ અરજી ફોર્મમાં આ શરતોનો સમાવેશ કરવામાં આવ્યો છે.
સભ્યપદ ફોર્મમાં લખેલી શરતો
આ મુજબ, કોંગ્રેસના સભ્યોએ જાહેર કરવું પડશે કે તેઓ કાનૂની મર્યાદાથી વધુ સંપત્તિ રાખશે નહીં અને કોંગ્રેસની નીતિઓ અને કાર્યક્રમોને આગળ વધારવા માટે ભૌતિક પ્રયત્નો અને ગ્રાઉન્ડ વર્ક કરવામાં અચકાશે નહીં.
નવેમ્બરથી શરૂ થશે સદસ્યતા અભિયાન
પાર્ટીએ 1 નવેમ્બરથી શરૂ થઈ રહેલા સદસ્યતા અભિયાન માટે તૈયાર કરેલ આવેદન પત્રમાં 10 એવી વાત આલેખી છે, જેના વિશે સભ્ય થનાર ઈચ્છુક લોકોએ પોતાનો સ્વીકૃતિ આપવી પડશે. ઉલ્લેખનીય છે કે, 16 ઓક્ટોબરના રોજ થયેલ કોંગ્રેસ કાર્ય સિમિતિની બેઠકમાં નિર્ણય લેવામાં આવ્યો છે.
સામાજિક ભેદભાવની પ્રવૃત્તિથી દૂર રહેવાની સ્થિતિ
આ અરજીમાં એમ પણ કહેવામાં આવ્યું છે કે તમામ નવા સભ્યોએ પ્રતિજ્ઞા લેવી પડશે કે તેઓ કોઈપણ પ્રકારની સામાજિક ભેદભાવની પ્રવૃત્તિમાં સામેલ થશે નહીં, પરંતુ સમાજમાંથી તેને દૂર કરવા માટે કામ કરશે. તેના સોગંદનામામાં જણાવવામાં આવ્યું છે કે, 'હું નિયમિત ખાદી પહેરું છું, હું દારૂ અને ડ્રગ્સથી દૂર રહું છું, હું સામાજિક ભેદભાવ અને અસમાનતા કરતો નથી, પરંતુ તેમને સમાજમાંથી દૂર કરવામાં માનું છું અને હું પક્ષ દ્વારા સોંપેલ કાર્યને પૂર્ણ કરવા માટે પ્રતિબદ્ધ છું.