નર્મદા જિલ્લા ભાજપના ઉપપ્રમુખ હિરેન પટેલ વિરુદ્ધ નોંધાઈ દુષ્કર્મની ફરિયાદ, પીડિતાને લગ્નની લાલચ અને વીડિયો વાયરલ કરવાની ધમકી આપી હોવાનો ફરિયાદમાં ઉલ્લેખ
નર્મદા જિલ્લા ભાજપ ઉપપ્રમુખ સસ્પેન્ડ
ફરિયાદ નોંધાતા ભાજપ થયું સક્રિય
દુષ્કર્મ આચર્યાની ફરિયાદ નોંધાઇ હતી
નર્મદા જિલ્લાના ભાજપ ઉપપ્રમુખ હિરેન પટેલને તેમના ઉપપ્રમુખ પદથી સસ્પેન્ડ કરવામાં આવ્યાં છે. હિરેન પટેલ સામે આદિવાસી યુવતીને ફસાવી દુષ્કર્મની ફરિયાદ નોંધવામાં આવતા સસ્પેન્ડ કરવામાં આવ્યાં છે. દુષ્કર્મની ફરિયાદ નોંધાતા જ ભાજપ એકશનમાં આવી ગઈ હતી. પીડિતાને લગ્નની લાલચ અને વીડિયો વાયરલ કરવાની ધમકી આપી હતી. આ મામલે તિલકવાડા પોલીસે ફરીયાદ નોંધી તપાસ હાથ ધરી છે.
થોડા દિવસ અગાઉ સુરતના ઉધનામાં સગીરા પર દુષ્કર્મ કેસમાં ભાજપ કાર્યકરની ધરપકડ કરવામાં આવી હતી. મહારાષ્ટ્રથી સુરત આવેલી સગીરા પર ભાજપના કાર્યકર સગીરા ઉપર દુષ્કર્મ આચર્યું હોવાની ફરિયાદ નોંધાઈ હતી. જેમાં કાર્યકરો સગીરાના અંગત ફોટા પાડી પરિવાર પાસેથી રૂપિયા 20 હજારની માંગ કરાઈ હોવાની પરિવારજનોએ આક્ષેપ પણ લાગવ્યો હતો. સમગ્ર મામલે ઉધના પોલીસમાં ફરિયાદ નોંધાતા પોલીસ તપાસ હાથ ધરી હતી જે બાદ 9 ઓગસ્ટે પોલીસે આરોપીની ધરપકડ કરી હતી.
સગીરાના અશ્લીલ ફોટા પાડી કરતો બ્લેકમેલ
ભાજપ કાર્યકરો સગારીને લાલચ આપી તેની સાથે શારિરીક સંબંધ બાંધ્યો હતો અને બાદમાં તેના અશ્લિલ ફોટો પાડી તેને બ્લેકમેલ કરાતા પોલીસ સ્ટેશનમાં ફરિયાદ નોંધાવવામાં આવી હતી એટલું જ નહીં આરોપીએ સગીરાના ફોટા વાયરલ કરવાની ધમકી આપી પરિવાજનો પાસેથી રૂપિયા પણ પડાવતો હતો. આરોપીએ સગીરા પાસેથી રૂપિયા 20 પડાવ્યા હોવાનું પણ સામે આવ્યું હતું.
ભાજપના કાર્યકર સામે અગાઉ પણ ફરિયાદ કરાઈ
આપોપીને નાણાં આપ્યા બાદ પણ પરિવારની પજવણી કરવામાં આવતી જે બાદ પરિવારજનોએ પોલીસ ફરિયાદ કરી હતી. હાલ પોલીસે આરોપી સામે પોસ્કો, એટ્રોસિટી એક્ટ મુજબ ગુનો નોંધી વધુ તપાસ હાથ ધરી હતી. ઉલ્લેખનિય છે કે અગાઉ પણ આરોપી સામે છેડતીની ફરિયાદ નોંધવામાં આવી છે.