બાયડના ધારાસભ્યએ શાંતિથી ધંધો કરવા માટે પાસે 40 લાખ માગ્યા હોવાની કોન્ટ્રાક્ટરે નોંધાવી ફરિયાદ

હિંમતનગરઃ બાયડના ધારાસભ્ય ધવલસિંહ ઝાલા પોલીસ સ્ટેશનમાં કોન્ટ્રાક્ટરે રૂપિયા માગ હોવાની ફરિયાદ કરી છે. કોન્ટ્રાક્ટર હસમુખ પટેલે ધારાસભ્ય સામે 40 લાખ રૂપિયા માગ્યા હોવાનો આક્ષેપ કર્યો છે. મહત્વનુ છે કે હાલમાં અરવલ્લીના વાત્રક જળાશયમાં કોન્ટ્રાક્ટર હસમુખ પટેલનું કામ ચાલી રહ્યુ છે. શાંતિથી ધંધો કરવા માટે ધારાસભ્ય ધવલસિંહ ઝાલાએ 40 લાખ રૂપિયાની માગ કર્યા હોવાના આક્ષેપ સાથે ફરિયાદ થઈ છે. ફરિયાદીએ પૈસાની માગણી કરતી ઓડિયો ક્લીપ પણ પોલીસને સોંપી છે. આ મામલે હિંમતનગર પોલીસે ફરિયાદ નોંધીને આગળની કાર્યવાહી હાથધરી છે.

બાયડના ધારાસભ્ય ધવલસિંહ ઝાલા વિરુધ્ધ હસમુખ પટેલ નામના કોન્ટ્રાક્ટરે હિંમતનગર પોલીસમાં ફરિયાદ આપતા સમગ્ર ગુજરાતમાં ચકચાર થવા લાગી છે. જો કે ધવલસિંહ ઝાલાએ કોન્ટ્રાક્ટર હસમુખ પટેલે વાત નકારી રહ્યા છે. 

ધવલસિંહએ જણાવ્યું કે મારા પર લાગેલા આરોપો ખોટા છે અને મારી છબીને ખરાબ કરવા માટે આ ષડયંત્ર છે. હું મારા વિસ્તારમાં કામગીરી સારી કરી રહ્યો છું. તે સારી કામગીરીના પચાવી ના શકતા હોવાથી અમુક લોકો મારી છબી ખરડાવનો પ્રયાસ કરી રહ્રા છે. જે ઓડિયો કલીપ છે તેને FSLમાં તપાસ થશે તો દૂધનું દૂધ અને પાણી પાણી થઈ જશે. આ બાબતે હું વકીલની રાય લઈને હું કોર્ટના જઈશ જેથી મારા પર લગાવેલા આરોપનુ સત્ય લોક સમક્ષ આવે.