કૉમેડી કિંગનો ધમાકેદાર શો 'ધ કપિલ શર્મા શો' દરેક વખતે પોતાના નવા એપિસોડથી લોકોને હસાવે છે. એવું જ કંઇક 'ધ કપિલ શર્મા શો' આગામી એપિસોડ પણ માં થશે.
દેશભરમાં લાગૂ થયા નવા ટ્રાફિક નિયમો
કપિલ શર્મા શોના કોમેડિયન કીકૂ શારદાને મળ્યો મેમો
શો પર આવીને કીકૂ શારદાએ વ્યક્ત કર્યો ગુસ્સો, VIDEO VIRAL
વાસ્તવમાં આ વખતે કપિલ શર્મા શોમાં 'ધ ઝોયા ફેક્ટર' ની ટીમ એટલે કે સોનમ કપૂર અને દુલ્કર સલમાન ફિલ્મનું પ્રમોશન કરવા માટે પહોંચશે, જેની સાથે કપિલ શર્મા મસ્તી કરતો જોવા મળી રહ્યા છે. પરંતુ આ વચ્ચે 'ધ કપિલ શર્મા શો' શોના કો-સ્ટાર કીકૂ શારદા સેટ પર આવીને પોતાનો ગુસ્સો વ્યક્ત કરવા લાગ્યો જેનો વીડિયો વાયરલ થઇ રહ્યો છે.
વાસ્તવમાં આ વીડિયોમાં કીકૂ શારદાએ જણાવ્યુ કે, જ્યારે હું બાઇક પર હેલ્મેટ પહેર્યા વગર અહીંયા આવી રહ્યો છું ત્યારે પોલીસે મેમો ફાડ્યો જેથી તેને ગુસ્સો આવી રહ્યો છે.
આ સિવાય કીકૂ શારદાએ સોનમ કપૂર અને દુલ્કર સલમાનને જોઇને કહ્યુ કે, તેણે ‘ધ ઝોયા ફેક્ટર’નું ટ્રેલર જોયું. ફિલ્મનું ટ્રેલર તેને એટલું ગમ્યુ કે, તે ઘરમાં રાખેલી તમામ 'ઝોયાબીન' ખાઈ ગયો. તેની આ વાત સાંભળીને સોનમ અને દુલ્હર મોટેમોટેથી હસી પડ્યા હતા. 'ધ કપિલ શર્મા શો' નો આ પ્રોમો સોશ્યલ મીડિયા વાયરલ થઇ રહ્યો છે. આ પ્રોમો શૅર કરતા લખવામાં આવ્યુ છે કે, ‘બઢેગા હંસી ઔર મસ્તી કા ફેક્ટર, ક્યોંકી આ રહી હૈ ટીમ ઝોયા ફેક્ટર'
તમને જણાવી દઇએ કે, 'ધ કપિલ શર્મા શો' દર વખતે પોતાના કન્ટેટ અને સ્ટોરીના લીધે ઓડિયન્સમાં પૉપ્યુલર છે. શોમાં કેટેક્ટર્સના એક્ટિંગ હોય કે જોક્સ, તમામને હસવા માટે મજબૂર કરી દે છે.
ઉલ્લેખનીય છે કે, સોનમ કપૂર અને દુલ્કર સલમાન ની ફિલ્મ ‘ધ ઝોયા ફેક્ટર’ ક્રિકેટના બેકગ્રાઉન્ડ પર આધારિત છે. ફિલ્મ 20 સપ્ટેમ્બરના રિલીઝ થશે. ફિલ્મનું ટ્રેલર જોઇને ઓડિયન્સમાં ફિલ્મને લઇને આતુરતા જોવા મળી રહી છે.