બેસ્ટ કાર / સૌથી સસ્તી SUV: કિંમત 6 લાખથી શરૂ અને સેફટી રેટિંગમાં 5 સ્ટાર, જુઓ 3 કારનું લિસ્ટ

• ભારતમાં સીએનજી કારની માંગ વધી
• એસયુવી સેગમેન્ટ ભારતીય બજારમાં લોકપ્રિય
• ઓછી કિંમતની સારી માઈલેજ વાળી કારની માંગ

હાલમાં ભારતમાં સીએનજી કારની માંગમાં વધારો થયો છે. લોકો હવે ધીરે ધીરે સીએનજી વાહનોનો ઉપયોગ કરતા થયા છે. ત્યારે જો તમે પણ સીએનજી કાર લેવાનું વિચારી રહ્યા હોવ તો આજે અમે તમને જરૂરી માહિતી આપવા જઈ રહ્યા છીએ. કોમ્પેક્ટ એસયુવી સેગમેન્ટ ભારતીય બજારમાં ઝડપથી લોકપ્રિયતા મેળવી રહ્યું છે. ઓછી કિંમત, સારી માઈલેજ અને સ્પોર્ટી ડ્રાઈવિંગ અનુભવને કારણે લોકો આ સેગમેન્ટની કારને વધુ પસંદ કરી રહ્યા છે. જો તમે પણ સસ્તી SUV ખરીદવાનું વિચારી રહ્યા છો, તો આજે અમે તમારા માટે આવા વાહનોનું લિસ્ટ લાવ્યા છીએ. આ કારોની ખાસ વાત એ છે કે તેની કિંમત રૂ. 6.50 લાખથી પણ ઓછી છે અને તે વધુ સારા પ્રદર્શન માટે પણ જાણીતી છે. તો ચાલો આ SUV પર એક નજર કરીએ..

Nissan Magnite: Rs 6 Lakh 

આ કોમ્પેક્ટ SUV 1.0-લિટર નેચરલી એસ્પિરેટેડ પેટ્રોલ મેન્યુઅલ (72PS પાવર અને 96Nm ટોર્ક), 1.0-લિટર ટર્બો-પેટ્રોલ મેન્યુઅલ (100PS પાવર અને 160Nm ટોર્ક) સાથે આવે છે. અને 1.0-લિટર ટર્બો-પેટ્રોલ CVT એન્જિન સાથે આવે છે. તે 8-ઇંચની ટચસ્ક્રીન, 7-ઇંચ TFT સાથે સંપૂર્ણ ડિજિટલ ઇન્સ્ટ્રુમેન્ટ ક્લસ્ટર, વાયરલેસ એન્ડ્રોઇડ ઓટો અને એપલ કારપ્લે, વાયરલેસ સ્માર્ટફોન ચાર્જર, પુશ-બટન સ્ટોપ/સ્ટાર્ટ, JBL સાઉન્ડ સિસ્ટમ, ક્રુઝ કંટ્રોલ મેળવે છે. નિસાન મેગ્નાઇટ સેફ્ટી ફીચર્સ જેમ કે આ નાની SUVને ASEAN NCAP ટેસ્ટમાં 4 સ્ટાર રેટિંગ મળ્યું છે. આ વાહનમાં ડાયનેમિક્સ કંટ્રોલ, હિલ સ્ટાર્ટ આસિસ્ટ, ABS, રિવર્સ પાર્કિંગ કેમેરા, રિવર્સ પાર્કિંગ સેન્સર્સ જેવા ફીચર્સ છે. તમને જણાવી દઈએ કે Nissan Magnite અને Renault Kiger બંને એક જ પ્લેટફોર્મ પર બનાવવામાં આવ્યા છે અને બંને SUVમાં ઘણી સમાનતા છે. તેની કિંમત રૂ. 6 લાખથી રૂ. 10.94 લાખ (એક્સ-શોરૂમ) નક્કી કરવામાં આવી છે. 

renault kiger : Rs 6.50 Lakh 

renault kiger નું RXT(O) વેરિઅન્ટ હવે 1.0-લિટર ટર્બો પેટ્રોલ એન્જિન અને મેન્યુઅલ અથવા CVT ટ્રાન્સમિશન સાથે આવે છે. અગાઉ આ કાર 1.0L નેચરલી એસ્પિરેટેડ પેટ્રોલ એન્જિન સાથે આવતી હતી. પછી તેને અપગ્રેડ કરવામાં આવ્યું. તેનું એન્જિન 72PSનો પાવર અને 96Nmનો ટોર્ક જનરેટ કરે છે. આ વાહનમાં 8 ઇંચની ટચસ્ક્રીન, વાયરલેસ એન્ડ્રોઇડ ઓટો અને એપલ કારપ્લે, વાયરલેસ સ્માર્ટફોન ચાર્જર, પુશ-બટન સ્ટોપ/સ્ટાર્ટ, JBL સાઉન્ડ સિસ્ટમ, ક્રુઝ કંટ્રોલ જેવી સુવિધાઓ છે. આ નવી કાર PM2.5 ફિલ્ટર સાથે આવશે. આ સાથે સ્માર્ટફોનના વાયરલેસ ચાર્જિંગની સુવિધા પણ નવા કિગરમાં ઉપલબ્ધ હશે. કિંમતઃ રૂ. 6.50 લાખથી રૂ. 11.23 લાખ (એક્સ-શોરૂમ) છે. આ કાર 19.17 કિમી પ્રતિ લિટર માઇલેજ આપે છે.

Tata Punch : Rs 5.99 Lakh 

હાલ આ કારની ડિમાન્ડ પણ વધારે છે. આ કારમાં પેટ્રોલ એન્જિન જે 86PSનો પાવર અને 113Nmનો ટોર્ક જનરેટ કરે છે. આ એન્જિન 5-સ્પીડ મેન્યુઅલ અને ઓટોમેટિક ટ્રાન્સમિશન ગિયરબોક્સથી સજ્જ છે. સુવિધાઓની દ્રષ્ટિએ SUVમાં 7-ઇંચ ટચસ્ક્રીન ડિસ્પ્લે, સેમી-ડિજિટલ ઇન્સ્ટ્રુમેન્ટ પેનલ, ઓટો એર કન્ડીશનીંગ, ઓટોમેટિક હેડલાઇટ, કનેક્ટેડ કાર ટેક્નોલોજી અને ક્રુઝ કંટ્રોલ જેવી સુવિધાઓ છે. સુરક્ષાની વાત કરીએ તો તેમાં તમને ડ્યુઅલ ફ્રન્ટ એરબેગ્સ, EBD સાથે ABS, રીઅર ડિફોગર, રીઅર પાર્કિંગ સેન્સર્સ, રીઅર-વ્યુ કેમેરા અને ISOFIX એન્કર મળે છે. સુરક્ષામાં તે 5 સ્ટાર રેટિંગ ધરાવે છે. તેની કિંમત રૂ. 5.99 લાખથી રૂ. 9.54 લાખ (એક્સ-શોરૂમ) છે. આ કાર 18.97 Kmpl માઇલેજ આપે છે.  

ડિસ્ક્લેમર: અહીં વાહનોની કિંમતો એક્સ-શોરૂમ દિલ્હી છે. જ્યારે વાહનોની માઈલેજ મીડિયા રિપોર્ટ્સ પર આધારિત છે. સામાન્ય રીતે કારની માઇલેજ ડ્રાઇવિંગ શૈલી અને રસ્તાની સ્થિતિ પર આધારિત છે.