કચ્છ જિલ્લા બાદ સૌથી વધુ લમ્પી વાયરસના કેસ નોંધાયા હોય તો તે છે જામનગર, વધતા કેસને પગલે સીએમ ભૂપેન્દ્ર પટેલ સ્થિતિની સમીક્ષા કરવા પહોંચ્યા
કચ્છ બાદ જામનગરની મુલાકાતે મુખ્યમંત્રી
લમ્પી વાયરસના કેસ વધતા લીધી મુલાકાત
આઇસોલેશન- રસીકરણ કેન્દ્રની લીધી મુલાકાત
ગુજરાતમાં પશુઓમાં જોવા મળતો લમ્પી વાયરસ કહેર વર્તાવી રહ્યો છે. રાજ્યના 20 જિલ્લામાં આ વાયરસનો ફેલાવો થયો છે. આ ગંભીર સ્થિતિને પગલે રાજ્ય સરકાર પણ ચિંતિત છે. પશુઓમાં લક્ષણ જોવા મળતા જ રસીકરણ કરવામાં આવી રહ્યું છે ત્યારે સીએમ ભૂપેન્દ્ર પટેલ જામનગરની મુલાકાતે પહોંચ્યા હતા.તેમની સાથે જામનગરના ધારાસભ્ય હકુભા જાડેજા પર ઉપસ્થિત રહ્યા હતા.
કચ્છ બાદ જામનગરમાં પણ સૌથી વધારે લમ્પી વાયરસના કેસ જોવા મળે છે. અહીં મોટી સંખ્યામાં પશુઓ લમ્પી વાયરસની ચપેટમાં આવ્યા છે. અસરગ્રસ્ત પશઓને ક્વૉરન્ટાઇન કરીને આઇસોલેશનમાં રાખવામાં આવી રહ્યા છે. ત્યારે સીએમ ભૂપેન્દ્ર પટેલે આજે જામનગરના આઇસોલેશન વોર્ડ અને વેક્સિનેશન સેન્ટરની મુલાકાત લીધી. જામનગરમાં કેટલા લમ્પી વાયરસના કેસ છે અને રસીકરણની કામગીરીને લઇને સમગ્ર પરિસ્થિતિનો તાગ મેળવ્યો હતો.
Gujarat | Cattle suffering from Lumpy Skin Disease being treated & vaccinated in Jamnagar district
We're treating affected animals by providing anti-biotics. We're covering 5-10 villages. Less than 1%cattle population affected, it's under control: Secy, Animal Husbandry dept pic.twitter.com/AfsVWxL59w
મહત્વનું છે કે જામનગરમાં લમ્પી વાયરસનો કહેર વધતા 3 દિવસ પશુઓને વેક્સિનેશનનું મહાઅભિયાન શરૂ કરવામાં આવ્યુ હતું. 100 ટકા વૅક્સિનેશનની કામગીરી માટે 40 લોકોની ટીમ જામનગર પહોચી હતી. જામનગર જીલ્લાના 417 ગામડાઓમાં વૅક્સિનેશનની કામગીરી હાથ ધરાઇ હતી. . જીલ્લામાં એનિમલ હેલ્પલાઈનની કુલ 10 ટીમ કાર્યરત રાખવામાં આવી છે.
અગાઉ કચ્છની લીધી હતી મુલાકાત
થોડા દિવસો અગાઉ કચ્છ જિલ્લાના ભુજ ખાતે લમ્પી સ્કીન ડીસીઝથી અસરગ્રસ્ત પશુધન માટેના આઈસોલેશન સેન્ટર તથા પશુ રસીકરણ કેન્દ્રની મુલાકાત લઈ પશુઓની દેખરેખ અને માવજતની કામગીરીનું જાતનિરીક્ષણ કર્યું હતું. પશુઓની સારવાર કરી રહેલા પશુ ચિકિત્સક અને અન્ય અધિકારીઓ પાસેથી જરૂરી વિગતો મેળવી હતી.