IPLIN
 
  • Home
  • Gujarat
  • Ahmedabad
  • CM' bhupendr patel Dholera SIR for business Union Minister National logistic policy

ગુજરાત / ધોલેરા SIRમાં બિઝનેસ માટે આવવા CMનું આહવાન, કેન્દ્રીય મંત્રીએ કહ્યું- ટુંક સમયમાં જાહેર કરાશે નેશનલ લોજિસ્ટિક પોલિસી

Team VTV 08:18 PM, 20 Aug 22
Follow us
CM' bhupendr patel Dholera SIR for business Union Minister National logistic policy

ગુજરાત પ્રવાસ દરમિયાન કેન્દ્રિય મંત્રી પિયુષ ગોયલેના અધ્યક્ષસ્થાને NICDC દ્વારા ગાંધીનગરમાં ઇન્વેસ્ટર્સ રાઉન્ડ ટેબલ કોન્ફરન્સ યોજાઇ હતી.

  • કેન્દ્રિય મંત્રી પિયુષ ગોયલ ગુજરાતની મુલાકાતે
  • પિયુષ ગોયલે GTUની મુલાકાત લીધી
  • NICDC દ્વારા ગાંધીનગરમાં ઇન્વેસ્ટર્સ રાઉન્ડ ટેબલ કોન્ફરન્સ આપી હાજરી

કેન્દ્રિય મંત્રી પિયુષ ગોયલ ગુજરાતની બે દિવસની મુલાકાતે છે. તેઓએ અમદાવાદ ખાતે GTUની મુલાકાત લીધી હતી. ઉપરાંત GTUના અટલ ઇન્ક્યુબેશન સેન્ટરનું નિરીક્ષણ કર્યું હતું અને ઇન્ક્યુબેશન સેન્ટર ખાતે સ્ટાર્ટ-અપ એક્ઝિબિશન ચાલી રહ્યું છે. આ સાથે GTUકોન્ફરન્સ હોલ ખાતે મોદી@20 પુસ્તક પર મંથન કર્યું હતું. વધુમાં પિયુષ ગોયલની વિશેષ ઉપસ્થિતિમાં કેન્દ્ર સરકારના નેશનલ ઇન્ડસ્ટ્રીયલ કોરીડોર ડેવલપમેન્ટ કોર્પોરેશન NICDC દ્વારા ગાંધીનગરમાં ઇન્વેસ્ટર્સ રાઉન્ડ ટેબલ કોન્ફરન્સ યોજાઇ હતી. આ તકે મુખ્યમંત્રી ભૂપેન્દ્ર પટેલે જણાવ્યું હતું કે ૯ર૦ સ્કવેર કિલોમીટરમાં પથરાયેલું ઘોલેરા SIR ફયુચરિસ્ટીક સિટી ગુજરાત અને ભારતનું સૌથી અત્યાધુનિક ઔદ્યોગિક કેન્દ્ર બનવા સજ્જ છે. ધોલેરા SIR ના વિકાસ માટે ગુજરાત સરકાર અને NICDC દ્વારા ધોલેરા ઇન્ડસ્ટ્રીયલ સિટી ડેવલપમેન્ટ લિમિટેડ નામની સ્પેશ્યલ પર્પઝ વ્હીકલની રચના કરવામાં આવી છે.


ધોલેરા, માંડલ, બેચરાજી અને PCPIR દહેજ વિકાસના સૌથી અદ્યતન તબક્કે

દેશના સર્વગ્રાહી ઝડપી ઔદ્યોગિક વિકાસ અને અન્ય વ્યવસાયોને કાર્યક્ષમ રીતે જોડવા દિલ્હી-મુંબઇ ઇન્ડસ્ટ્રીયલ કોરિડોરને સંલગ્ન SIRનો કોન્સેપ્ટ વડાપ્રધાનએ વિકસાવેલો છે.  ધોલેરા, માંડલ, બેચરાજી અને PCPIR દહેજ વિકાસના સૌથી અદ્યતન તબક્કે છે અને દિલ્હી-મુંબઇ ઇન્ડસ્ટ્રીયલ કોરીડોરના પ્રભાવ ક્ષેત્રમાં પણ સમાવિષ્ટ છે. ધોલેરા SIRમાં બિઝનેસ માટે આવવા CM એ ઉધ્યોગકારોને આહવાન કર્યું હતું.  


ગુજરાતે સેમિકન્ડક્ટર્સ પોલીસી જાહેર કરી છે એ દેશમાં કોઈ જગ્યાએ નથી

મુખ્યમંત્રીએ આ અંગેની વિસ્તૃત છણાવટ કરતાં કહ્યું કે, નેશનલ હાઇવે ઓથોરિટી ઓફ ઇન્ડીયા દ્વારા ભારતમાલા પ્રોજેક્ટ અંતર્ગત અમદાવાદ-ધોલેરા એક્સપ્રેસ-વે નિર્માણ પ્રગતિમાં છે. ધોલેરા-ભીમનાથ રેલ્વે પ્રોજેક્ટ માટે જમીન સંપાદન આગામી ૬ મહિનામાં પૂર્ણ થઇ જશે તેમજ ધોલેરામાં ઇન્ટરનેશનલ એરપોર્ટ માટે પણ કેન્દ્રીય મંત્રીમંડળે મંજૂરી આપી દીધી છે.તાજેતરમાં મુખ્યમંત્રી ભૂપેન્દ્ર પટેલના માર્ગદર્શન હેઠળ ગુજરાતે સેમિકન્ડક્ટર્સ પોલીસી જાહેર કરી છે એ દેશમાં કોઈ જગ્યાએ નથી. એટલું જ નહીં iT/iTES પોલિસીના માધ્યમ દ્વારા ગુજરાત આજે તેજ ગતિથી વિકાસ પામી રહ્યું છે. વધુમાં કેન્દ્ર સરકાર દ્વારા આગામી ટૂંક સમયમાં નેશનલ લોજિસ્ટિક પોલિસી પણ જાહેર કરાશે.

ધોલેરા-SIR વિશ્વનું સૌથી મોટું શ્રેષ્ઠ મેન્યુફેક્ચરિંગ ઈન્વેસ્ટમેન્ટ ઝોન બનશે
 
તેમણે ઉમેર્યું કે વડાપ્રધાન નરેન્દ્ર મોદીનો ડ્રીમ પ્રોજેક્ટ ધોલેરા આજે ખૂબ જ તેજ ગતિથી વિકાસ કરી રહ્યો છે.  અબજો રૂપિયાનું મૂડી રોકાણ આવી રહ્યું છે હાલ ૨૨ ચોરસ કિલોમીટર વિસ્તારમાં દશકો સુધી વિકાસ થશે અને જેમાં સિક્સ લેન નેશનલ હાઈવે અમદાવાદથી ધોલેરા તેમજ આંતરરાષ્ટ્રીય કક્ષાનું વિશ્વનું મોટું એરપોર્ટ બનવા જઈ રહ્યું છે. આ બંને પ્રોજેક્ટ વર્ષ-૨૦૨૪માં શરૂ થશે.  આગામી સમયમાં ધોલેરા-SIR વિશ્વનું સૌથી મોટું શ્રેષ્ઠ મેન્યુફેક્ચરિંગ ઈન્વેસ્ટમેન્ટ ઝોન બની જશે.
 

કેન્દ્રિય મંત્રી પિયુષ ગોયલ NICDC ગાંધીનગર અમદાવાદ ધોલેરા-SIR મુખ્યમંત્રી ભૂપેન્દ્ર પટેલ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ