ગુજરાતમાં ગુરૂવાર સવારથી અમદાવાદ સહિત આસપાસના વાતાવરણમાં પલટો જોવા મળી રહ્યો છે.
રાજ્યમાં વેસ્ટર્ન ડિસ્ટર્બન્સની વર્તાઇ અસર
અમદાવાદના વાતાવરણમાં સવારથી પલટો
ઉત્તર અને મધ્ય ગુજરાતમાં કમોસમી વરસાદની શક્યતા
આગામી બે દિવસોમાં કમોસમી વ૨સાદની સંભાવના
ગુજરાતમાં જ્યારથી શિયાળાની શરૂઆત થઇ છે. ત્યારથી થોડા થોડા દિવસે વાતાવરણમાં પલટો આવી રહ્યો છે. ત્યારે હવામાન વિભાગની આગાહી પ્રમાણે, અગામી 21 અને 22 જાન્યુઆરી વચ્ચે વેસ્ટર્ન ડિસ્ટબર્નસની અસર હેઠળ કમોસમી વ૨સાદ પડી શકે છે. જેના કા૨ણે ખેડૂતોમાં ચિંતા પ્રસરી છે. દે
ઉત્તર અને મધ્ય ગુજરાતમાં કમોસમી વરસાદની શક્યતા
હવામાન વિભાગની આગાહી પ્રમાણે, તા. 21ના રોજ દ્વારકા, જામનગર, મોરબી, પોરબંદર, કચ્છ, બનાસકાંઠા, સાબરકાંઠા, મહેસાણા, પાટણ સહિત ઉત્તર ગુજરાત, સૌરાષ્ટ્રમાં વરસાદની વકી જાહેર કરવામાં આવી છે.જયારે 22મી તારીખે, શનિવારે અમરેલી, ભાવનગર, ગીર સોમનાથ અને આણંદ, દાહોદ, મહીસાગર, પંચમહાલ, વડોદરા, ભરૂચ, સુરત, છોટા ઉદેપુર, નવસારી સહિત સૌરાષ્ટ્ર અને ઉત્તર તથા દક્ષિણ ગુજરાતના વિસ્તારોમાં માવઠાંની આગાહી કરાઈ છે. આ સાથે ગુજરાતના દરિયામાં 60 કિ.મી.ની તીવ્ર ઝડપ સુધી પવન ફૂંકાવાની શક્યતાના કારણે માછીમારોને તા. 21, 22 જાન્યુઆરીએ દરિયો નહીં ખેડવા ચેતવણી આપવામાં આવી છે.
રાજ્યના અનેક વિસ્તારોમાં વાદળછાયુ વાતાવરણ રહેશે
આ તારીખો દરમિયાન ઉત્તર ગુજરાતમાં બનાસકાંઠા, સાબરકાંઠા, પાટણ અને મહેસાણા તથા સૌરાષ્ટ્રમાં પોરબંદર, દ્વારકા, જામનગર, મોરબી, સુરેન્દ્રનગર તથા કચ્છના કેટલાક વિસ્તારોમાં ઝાપટાંની શક્યતા છે. માવઠા બાદ ઠંડીમાં પણ વધારાની આગાહી કરવામાં આવી છે. નોંધનીય છે કે, છેલ્લા કેટલાક મહિના દરમિયાન સર્જાયેલી સિસ્ટમને કારણે રાજ્યના વાતાવરણમાં સંખ્યાબંધ વખત પલટો આવ્યો છે. જેના કારણે કમોસમી વરસાદ પણ થયો છે. ત્યારે વધુ એક વખત માવઠાની વકીને કારણે ખેડૂતોમાં ચિંતા વ્યાપી ગઇ છે.