લોકસભા ચૂંટણીને લઈને રાજકીય નેતાઓ પ્રચાર-પ્રસાર તો કરી જ રહ્યા છે. પરંતુ સાથે-સાથે મારામારી પણ કરી રહ્યા છે. જાણે ધાકધમકીથી જ બધું મળવવાની કોશિશ કરી રહ્યા હોય તેવું વાગી રહ્યું છે. આવા જ દ્રશ્યો સુરતમાં જોવા મળ્યા હતા.
લોકસભા ચૂંટણીને લઈને રાજકીય નેતાઓ પ્રચાર-પ્રસાર તો કરી જ રહ્યા છે. પરંતુ સાથે-સાથે મારામારી પણ કરી રહ્યા છે. જાણે ધાકધમકીથી જ બધું મળવવાની કોશિશ કરી રહ્યા હોય તેવું વાગી રહ્યું છે. આવા જ દ્રશ્યો સુરતમાં જોવા મળ્યા હતા. ભાજપ-કોંગ્રેસના ઉમેદવાર ફોર્મ ભરવા માટે કલેક્ટર ઓફિસ તો પહોંચ્યા પરંતુ સામ-સામે આવી ગયા અને ઘર્ષણ થયું.
શું છે હકીકત?
લોકસભા ચૂંટણી એટલ કે, લોકશાહીનો પર્વ. જેમાં દેશની જનતા પોતાના નેતાઓને પસંદ કરે છે. પરંતુ આપણા રાજનેતાઓએ આ લોકશાહીના પર્વને શર્મસાર કરવાનું કામ રહ્યું છે. આ ઝપાઝપીના દ્રશ્યો તેનો પુરાવો છે. આ દ્રશ્યો સુરતના છે. જ્યાં ભાજપ અને કોંગ્રેસના કાર્યકર્તાઓ સામ-સામે હાથાપાઈ પર ઉતરી આવ્યા હતા. ઘટના કાંઈક એવી બની કે, બંને પક્ષના ઉમેદવારો એટલે કે, ભાજપના દર્શના જરદોષ અને કોંગ્રેસના અશોક અધેવાડ ફોર્મ કલેક્ટર ઓફિસ પોતાનું ઉમેદવારી ફોર્મ ભરવા માટે સાથે પહોંચ્યા હતા.
પરંતુ બંને નેતાઓના ઉમેદવારોપત્ર ભરાયા બાદ તેમના કાર્યકર્તાઓ રેલીને લઈને સામસામે આવી ગયા હતા. ભાજપના કાર્યકર્તા કહે પહેલા અમે રેલી યોજીશું. તો કોંગ્રેસના ઉમેદવાર કે અમે રેલી યોજીશું. આ પહેલા રેલીની આડમાં ઘર્ષણ થયું. બંને તરફ સુત્રોચ્ચાર થયા. માહોલ જાણે મારમારી સુધી પહોંચી ગયો. જેને લઈને પોલીસને લાઠીચાર્જ કરવાની જરૂર પડી.
જોકે પોલીસે મામલાને થાળે પાડવા માટે કેટલાક કોંગ્રેસના કાર્યકરોની અટકાયત કરી. જાણે ભાજપના કાર્યકરોને હાથ પણ ન અડાળ્યો. જેને લઈને ક્યાંકને ક્યાંક પોલીસની ભૂમિકા પણ સવાલ ઉઠી રહ્યા છે. જોકે અહીં એજબીજા પર આક્ષેપ-પ્રતિઆક્ષેપ પણ થયા છે. કોંગ્રેસના કાર્યકરોએ બહેનોની છેડતી કરી હોવાનો ભાજપે આક્ષેપ લગાવ્યો છે.
જ્યારે કોંગ્રેસનું કહેવું છે કે, તેમના કાર્યકરોની વધુ સંખ્યા ભાજપવાળા જોઈ ન શક્યા. જેને લઈને બબાલ કરવા લાગ્યા હતા. પરંતુ આ પ્રકારના આક્ષેપ-પ્રતિઆક્ષેપ કરવાનો કોઈ મતલબ રહેતો નથી. કારણ કે, જ્યારે જનતા વચ્ચે કામ કરવાનો સમય છે. ત્યારે કામ નથી કરતા અને ફોટા પડાવવા માટે આવા પ્રકારના ધિંગાણા કરી રહ્યા છે.