અસમમાં આજે નાગરિકતા સંશોધન બિલ ( Citizenship Amendment Bill )નો વિરોધ થઈ રહ્યો છે જેને પગલે 12 કલાકનું બંધનું એલાન આપવામાં આવ્યુ છે. આ બંધના એલાનને પગલે ભારતભરમાંથી અસમ ફરવા ગયેલા પ્રવાસીઓ અટવાઈ પડ્યા છે. સ્થાનિક હોટેલો ખાલી કરાવાઈ છે અને એરપોર્ટ ઉપર ભીડ જમા થઈ ગઈ છે. વાહનવ્યવહાર ઠપ્પ થવાને પગલે લોકો એમ્બ્યુલન્સમાં સવારી કરવા મજબૂર બન્યા છે. VTVGujarati.com અસમ એરપોર્ટ ઉપરથી આંખો દેખ્યો અહેવાલ રજૂ કરી રહ્યુ છે.
વહેલી સવારથી એરપોર્ટ ઉપર લોકો ફસાયા
લોકલ એરિયાની હોટેલો ખાલી કરાવાઈ
પ્રવાસીઓને હાલાકી, એરપોર્ટ ઉપર ધસારો
વાહન વ્યવહાર ઠપ્પ થવાને પગલે લોકો એમ્બ્યુલન્સ અને શબવાહિનીમાં પ્રવાસ કરવા મજબૂર બન્યા છે. સ્થાનિક ટ્રાન્સપોર્ટ સદ્તંર ઠપ્પ છે. એરપોર્ટ સ્ટાફને પણ સુરક્ષા સાથે લાવવા લઈ જવામાં આવી રહ્યો છે.
18 નર્સિંગની વિદ્યાર્થીનઈઓ ફસાઈ
તમિલાડુમાં નર્સિંગનો કોર્સ કરીને પરત ફરી હતી. આ વિદ્યાર્થીનીઓ અસમની જ છે પણ અસમમાં ટ્રાન્સપોર્ટ સેવા બંધ હોવાને કારણે વિદ્યાર્થીનીઓને એરપોર્ટ ઉપર રહેવા માંટે ફરજ પડી હતી.
અસમમાં છે 12 કલાક બંધનું એલાન
લોકસભામાં નાગરિકતા સંશોધન બિલ પાસ થઈ ચૂક્યું છે. આ બિલનો અસમમાં વિરોધ ચાલુ જ છે. નોર્થ ઈસ્ટ સ્ટૂડન્ટ્સ ઓર્ગેનાઈઝેશન (NESO) અને ઓલ અસમ સ્ટૂડન્ટ યૂનિયન (AASU) ને આજ સવારે 5 વાગ્યાથી સાંજના 5 વાગ્યા સુધી એટલે કે 12 કલાકના બંધનું એલાન આપ્યું છે. NESOએ અનેક સંગઠનો અને રાજકીય પાર્ટીઓએ દળનું સમર્થન મેળવ્યું છે.