IPLIN
 
  • Home
  • India
  • cinema halls allowed to operate at 100 percent seating capacity new sops issued

આનંદો / ફેબ્રુઆરીથી ખોલી શકાશે 100 ટકા ક્ષમતા ધરાવતા સિનેમા ગૃહ, કેન્દ્ર સરકારે જાહેર કરી ગાઇડલાઇન

Team VTV 12:05 PM, 31 Jan 21 | Updated: 12:06 PM, 31 Jan 21
Follow us
cinema halls allowed to operate at 100 percent seating capacity new sops issued

કોરોના લૉકડાઉનને કારણે બંધ થયેલા સિનેમા ઘરો ફરીથી ખોલવાની તૈયારીઓ ચાલી રહી છે. કેન્દ્રીય માહિતી અને પ્રસારણ પ્રધાન પ્રકાશ જાવડેકરે કહ્યું કે, 100 ટકા કેપેસીટી ધરાવતા સિનેમા હોલ ફેબ્રુઆરીમાં ખુલી શકે છે. તેમણે એમ પણ કહ્યું કે અમે વધુ ઓનલાઇન બુકિંગને પ્રોત્સાહિત કરીશું. બંને શો વચ્ચે થોડો સમય આવશે જેથી કોઈ ભીડ ન રહે.

  • કોરોના સંકટ વચ્ચે મહત્વના સમાચાર
  • સરકારે થિયેટરોમાં 100 ટકા કેપેસીટી ધરાવતા સિનેમા ખોલવાની આપી મંજૂરી
  • OTTને લઈને મહત્વની જાહેરાત

આપને જણાવી દઇએ કે તાજેતરમાં ગૃહ મંત્રાલયે સામાજિક અંતર સાથે સિનેમા હોલ ખોલવાની મંજૂરી આપી હતી. તેમાં બે પ્રેક્ષકો વચ્ચે ખુરશી ખાલી રાખવાની અનિવાર્યતા સામેલ છે. સિનેમા હોલ સંપૂર્ણ ક્ષમતા ન ખોલવાને કારણે ફિલ્મ નિર્માતાઓ ફિલ્મ્સ રજૂ કરવામાં રસ દાખવતા નથી.

આ માટે મંત્રાલય દ્વારા કેટલીક માર્ગદર્શિકા બહાર પાડવામાં આવી છે, જેનું પાલન કરવું ફરજિયાત છે. જે નીચે મુજબ છે: -

1. ઓડિટોરિયમ, સામાન્ય વિસ્તારોમાં ઓછામાં ઓછા 6 ફૂટનું અંતર જાળવવું ફરજિયાત રહેશે.

2. થિયેટરોમાં પ્રવેશતા લોકોના માસ્ક ફરજિયાત છે.

3. લોકોએ સિનેમાહોલના કોમન એરિયા, એન્ટ્રી અને બહાર નીકળવાના સ્થળોએ સેનિટાઇઝર રાખવું ફરજિયાત છે.

4. થૂંકવા પર સખત પ્રતિબંધ મૂકવામાં આવશે.

5. થિયેટરોમાં આવતા લોકોને મોબાઇલમાં આરોગ્ય સેતુ એપ્લિકેશન રાખવી ફરજિયાત રહેશે.

OTTને લઈને મહત્વની જાહેરાત

પ્રકાશ જાવડેકરે એમ પણ કહ્યું કે, OTT પર ચાલતી કેટલીક સિરીયલો અંગે ઘણી ફરિયાદો મળી છે. OTTની ફિલ્મો, પ્રોગ્રામ્સ, ડિજિટલ અખબાર પ્રેસ કાઉન્સિલ, કેબલ ટેલિવિઝન, સેન્સર બોર્ડના કાયદા માટે લાગુ પડ્યા નથી. ટૂંક સમયમાં તેમની કામગીરી માટે સરળ વ્યવસ્થા જાહેર કરવામાં આવશે.

cinema કોરોના વાયરસ પ્રકાશ જાવડેકર prakash javdekar ott
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ