ચીન ભારતની હસ્તિઓની જાસૂસી કરતું હોવાનો ઘટસ્ફોટ એક અખબાર દ્વારા કરવામાં આવ્યો છે. જેમાં તેમણે નરેન્દ્ર મોદી સહિત દેશના નેતાઓ તથા 1400 ઉદ્યોગ જગતની હસ્તીઓની જાસૂસી કરતું હોવાનો ઘટસ્ફોટ કર્યો હતો. જ્યારે આજે વધુ એક ખુલાસો થયો છે કે ચીન પેમેન્ટ એપની પણ જાસૂસી કરી રહ્યું છે.
પેમેન્ટ એપની પણ જાસૂસી કરી રહ્યું છે ચીન
સપ્લાય ચેઈન ડિલિવરીની પણ જાસૂસી કરી રહ્યું છે ચીન
એપ્સની મદદથી ભારતના વેપારની થઈ રહી છે જાસૂસી
ભારતમાં VVIPની જાસૂસી બાદ ચીનનું વધુ એક ષડયંત્ર સામે આવ્યું છે. ચીન પેમેન્ટ એપની પણ જાસૂસી કરી રહ્યું છે. ચીન સપ્લાય ચેઈન ડિલિવરીની પણ જાસૂસી કરી રહ્યું છે. એપ્સની મદદથી ભારતના વેપારની જાસૂસી થઈ રહી છે. ટેક્નોલોજી ઉદ્યોગ પર પણ ચીન નજર રાખી રહ્યું છે.
આ દાવો ખાનગી અખબાર ઈન્ડિયન એક્સપ્રેસએ કર્યો છે. ગઈકાલે પણ ભારતના મોટા હસ્તીઓની જાસૂસી થતી હોવાનો દાવો કર્યો હતો. PM મોદી, રાષ્ટ્રપતિ, CJI સહિત મોટી હસ્તિઓની જાસૂસી થતી હોવાનો દાવો કર્યો હતો.
ઉલ્લેખનીય છે કે ચીન ભારતના 10 હજાર લોકોની જાસૂસી કરી રહ્યું છે. તે દુનિયાભરમાં અમેરિકા, બ્રિટન સહિત 24 લાખ લોકોની જાસૂસી કરી રહ્યું હતુ. તેણે ઉદ્યોગ જગતની હસ્તિઓને ટાર્ગેટ કરી છે જેમાં ઈન્ડિયન રેલવેમાં ઈન્ટર્નશિપ કરી રહેલા એન્જિનિયર સ્ટૂડન્સથી લઈને અજીમ પ્રેમજીના વેંચર કંપનીના ચીફ ઈન્વેસ્ટમેન્ટ ઓફિસરનો પણ સમાવેશ થયો છે.
આ જાસૂસીમાં ઈકોમર્સના દિગ્ગજ ફ્લિફકાર્ટ, ઓનલાઈન ફૂડ ડિલિવરી પ્લેટફોર્મ ઝોમેટો અને સ્વીગીના પ્રમુખ અધિકારીઓનો પણ સમાવેશ થાય છે. ભારતમાં ઝડપથી વધી રહેલા ડિજિટલ હેલ્થ સેક્ટર અને ડિજિટલ એજ્યુકેશન સેક્ટરની પણ ચીનની નજર છે તે તેની પણ જાસૂસી કરી રહ્યું છે. ભારતના મુખ્ય ડિજિટલ પેમેન્ટ એપ પણ ચીનના OKIDBના ડેટા બેંકમાં સમાવિષ્ટ છે. પેટીએમ, રેજરપે અને ફોન પે જેવી ભારતની મુખ્ય ડિજિટલ એપ કંપનીઓ પણ ચીની જાસૂસીથી બાકાત રહી શકી નથી. આ ઉપરાંત પાઈન લેબ્સ, એવેન્યૂઝ પેમેન્ટ, એફએસએસ જેવી પેમેન્ટ કંપનીઓની પણ ચીન જાસૂસી કરી રહ્યુ છે. એફએસએસ પેમેન્ટની આઈઆરસીટીસી જેવા દિગ્ગજો સાથે પાર્ટનરશિપ છે. એ જ રીતે બાયજુ, અડ્ડા 247 , ઓલાઈવબોર્ડ જેવા ટોપ લર્નિંગ એપ્સની પણ જાસૂસી થઈ રહી છે.