લૂલો બચાવ / ભારતીય સૈનિકોએ ગલવાનની ખીણમાં કેમ ગોળી ન ચલાવી? વિદેશ મંત્રીએ આપ્યો જવાબ

• ચીને ક્યારેય આ કરાર સ્વીકાર્યો નથી
• 1996 અને 2005 ના કરાર હેઠળ ભારતીય સૈનિકોએ ફાયરિંગ નહોતું કર્યું
•  તમામ સૈનિકો તેમની સાથે હથિયાર લઈ જાય છે.

હકીકતમાં રાહુલ ગાંધીએ સવાલો કર્યા છે કે જ્યારે ભારતીય સૈનિકો પાસે બંદૂકો હતી. ત્યારે ગોળી કેમ ન ચલાવી? આ બાદ પંજાબના મુખ્યમંત્રી કેપ્ટન અમરિન્દરસિંહે પણ કહ્યું હતું કે હુમલો થવાની ઘટનામાં ભારતીય સૈનિકોએ ફાયરિંગ કરવું જોઇતુ હતુ.

નિષ્ણાંતો કરી રહ્યા છે ટીકા

વિદેશ પ્રધાન એસ.કે. જયશંકરે જવાબ આપ્યો છે પરંતુ ઘણા નિષ્ણાતોએ તેની ટીકા કરી છે. ભૂતપૂર્વ ભારતીય સેનાના લેફ્ટનન્ટ જનરલ એચ.એસ. પનાગે કહ્યું છે કે, જ્યારે આવી તણાવની પરિસ્થિતિ હોય ત્યારે આવા કરારો લાગુ પડતા નથી. જ્યારે પરિસ્થિતિ સામાન્ય હોય ત્યારે આવા કરાર બોર્ડર મેનેજમેન્ટ માટે લાગુ પડે છે. આ પ્રકારની ટેક્સિક્લ મિલિટ્રી સિચ્યૂએશનમાં આવી કોઈ માન્યતા નથી હોતી. જ્યારે સૈનિકોને ધમકી આપવામાં આવી ત્યારે તેની કાયદેસરતા પુરી થઈ ગઈ.

ચીને ક્યારેય આ કરાર સ્વીકાર્યો નથી

એક ન્યૂઝ ચેનલની વાતચીતમાં ચીની બાબતોના નિષ્ણાત બી.આર.દીપકે કહ્યું કે 20 સૈનિકોની શહાદતની સાથે ભારત અને ચીન વચ્ચેનો કોન્ફિડન્સ બિલ્ડિંગ મેઝર્સ સમાપ્ત થઈ ગયો છે. ભારત અને ચીન વચ્ચે 1996 ના કરારમાં બંને દેશોની સાર્વભૌમત્વ અને અખંડિતતાને માન આપવાનું કહેવામાં આવ્યું હતું. બંનેના આંતરિક પ્રશ્નોમાં દખલ નહીં કરવા બાબતે સમજૂતી થઈ હતી.

બીઆર દિપક કહે છે કે આ કરારના 3 અને 4 નંબરના પોઈન્ટ્સ અનુસાર સરહદ પર સૈન્યની હળવી તૈનાતીની વાતો છે. પરંતુ આ બંને આર્ટિકલનું ઉલ્લંઘન તો થઈ ચૂક્યું છે. હાલની પરિસ્થિતિમાં બંને બાજુ સૈન્યની નોંધપાત્ર સંખ્યા છે. ત્યારે બંને દેશોએ પણ સંમતિ આપી કે તેઓ સરહદ નજીક મોટી કવાયત નહીં કરે. પરંતુ તે પણ થઈ રહ્યું છે. તે ચીની બાજુથી ઘણી વખત તૂટી ગયું છે.

પોતાના ટ્વિટમાં વિદેશ પ્રધાન એસ જયશંકરે પોઇન્ટ નંબર 6 ટાંક્યો છે. તે અનુસાર ચીની સરહદ પર બંદૂકો ચલાવવી પ્રતિબંધિત છે. પરંતુ 7 નંબરના મુદ્દામાં કહેવામાં આવ્યું છે કે બંને તરફથી લશ્કરી અધિકારીઓની વાતો પણ સતત થવી જોઈએ. બીઆર દિપક કહે છે કે, એવો વિચાર હતો કે બંને પક્ષના અધિકારીઓ એકબીજા સાથે સતત સંપર્કમાં રહેશે. પરંતુ તે થયુ ન હતું. ખરેખર આ નિયમો બનાવવામાં આવ્યા હતા. પરંતુ તેનું સંપૂર્ણ પાલન કરવામાં આવ્યું ન હતું.

ભવિષ્યમાં વધુ તણાવ જોવા મળી શકે છે

તેઓ કહે છે  ચીને સતત આ કરારનું ઉલ્લંઘન કર્યું છે. આપણે બધા જાણીએ છીએ કે ચીને આ ક્ષેત્રોમાં કેવી રીતે માળખાગત સુવિધાઓ વિકસાવી છે. આ તે કરારના નિયમો વિરુદ્ધ છે. પરંતુ જ્યારે ભારત આ કરવાનો પ્રયાસ કર્યો ત્યારે ચીન દ્વારા કરાર ટાંકવામાં આવ્યો.

બીઆર દિપક કહે છે કે ચીન આ વિસ્તારોમાં ભારતના નિર્માણ કાર્ય અંગે ચિંતિત છે. તે ઈચ્છતું ન હતું કે ભારત અહીં નિર્માણ કરે. પરંતુ ભારત પણ આ સાથે તૈયાર છે. આવી સ્થિતિમાં આવો તણાવ ભવિષ્યમાં વધુ જોઇ શકાય છે.