સનસનાટી / છોટાઉદેપુરમાં હિન્દુ યુવતીને પરિણીત વિધર્મીએ બ્લેકમેઇલ કરીને આચર્યું દુષ્કર્મ, જિલ્લા પોલીસે કરી ધરપકડ

• છોટાઉદેપુરમાં હિન્દુ યુવતીને બ્લેકમેઇલ કરી દુષ્કર્મ  
• દુષ્કર્મ આચરનાર પરિણીત વિધર્મી યુવકની ધરપકડ 
• ફોટો અને વીડિયો બનાવી હિન્દુ યુવતીને કરી હતી બ્લેકમેઇલ 

છોટાઉદેપુરમાં હિન્દુ યુવતીને બ્લેકમેઇલ કરી વિધર્મી યુવકે દુષ્કર્મ આચર્યું હોવાની ચોંકાવનારી ઘટના સામે આવતા સનસનાટી મચી જવા પામી છે.આ મામલે પોલીસને જાણ થતાં પોલીસે તપાસના ચક્રોગતિમાન કરીને આરોપીને દબોચી લીધો છે. જેને જેલ હવાલે કરવા સહિતની પોલીસે કાર્યવાહી હાથ  ધરી છે.

સોશિયલ મીડિયામાં વીડિયો વાયરલ કરવાની ધમકી આપી આચર્યું દુષ્કર્મ
મહિલાઓની સલામતી અંગેના દેશમાં અનેક કાયદાઓ અમલમાં હોવા છતા મહિલાના શોષણ  અંગેના અનેક કિસ્સાઓ છાશવારે  સામે  આવતા હોય છે તેવો જ એક કિસ્સો છોટાઉદેપૂરમાં સામે આવ્યો છે. જ્યાં છોટાઉદેપુરમાં એક વિધર્મી યુવકે હિન્દુ યુવતીને પોતાના હવસનો શિકાર બનાવી હતી. યુવતી સાથે આ શખ્સે મિત્રતા કેળવ્યાં બાદ તેણીને મળવા બોલાવી હતી. જ્યાં ફોટો અને વીડિયો બનાવી લીધા હતા. ત્યારબાદ આરોપીએ હિન્દુ યુવતીને બ્લેકમેઇલ કરવાનું શરૂ કર્યું હતું. વધુમાં સોશિયલ મીડિયામાં વીડિયો વાયરલ કરવાની ધમકી આપી અને યુવતી સાથે દુષ્કર્મ આચર્યું હતું. 

પોલીસે વિધર્મી યુવકની કરી ધરપકડ
હેવાન આરોપીએ હિન્દુ યુવતીને અનેક લોભ-લાલચ આપી અને ફોસલાવી અનેક વખત કુકર્મ આચર્યું હતું. ત્યારબાદ વિધર્મી યુવક વારંવાર પરેશાન કરતો હોવાથી કંટાળી ગયેલી યુવતીએ અંતે પોલીસ મથકે દોડી જઈ ફરિયાદ કરી હતી. જેની ગંભીરતાને ધ્યાને લઈને પોલીસએ તાત્કાલિક આરોપીની ધરપકડ કરી લીધી હતી.