હેલ્થ / 'ભાવી માતાઓ'ની સુખાકારી ! 14 વર્ષ સુધીની છોકરીઓને મફતમાં અપાશે આ વેક્સિન, કેન્દ્રનો મોટો નિર્ણય

• 9 થી 14 વર્ષની છોકરીઓને મળશે ગર્ભાશયની કેન્સરની વેક્સિન
• ભણતી છોકરીઓને સ્કૂલોમાં અને ન ભણતીને કેન્દ્રોમાં મળશે વેક્સિન
• છોકરીઓને ગર્ભાશયના કેન્સરથી બચાવવાનો હેતુ 

ગર્ભાશયનું કેન્સર મહિલાઓ માટે એક મોતનું એક મોટું કારણ છે. દર વર્ષે સેંકડો મહિલાઓના મોત ગર્ભાશયના કારણે થાય છે. આવી સ્થિતિમાં જો છોકરીઓની નાની ઉંમરે જ ગર્ભાશયના કેન્સર વિરોધી રસી મળી જાય તો તેમને મોટી રાહત રહે છે અને તેઓ સારી રીતે માતા બની શકે છે. ભાવી માતાઓને સુરક્ષિત રાખવા માટે કેન્દ્ર સરકારે એક મોટો  અને મહત્વનો નિર્ણય લીધો છે. 

સર્વાઈકલ કેન્સર એટલે ગર્ભાશયનું કેન્સર 
ગર્ભાશયના કેન્સરને અટકાવવા માટે કેન્દ્ર સરકારે સ્કૂલોમાં 9 થી 14 વર્ષની છોકરીઓને સર્વાઇકલ કેન્સરની રસી આપવાની યોજના બનાવી છે. સર્વાઈકલ કેન્સર એ ભારતીય મહિલાઓમાં બીજું સૌથી મોટું કેન્સર છે. વૈશ્વિક સ્તરે સર્વાઈકલ કેન્સરને મહિલાઓમાં મોટો રોગ માનવામાં આવે છે.

શું યોજના બનાવી છે સરકારે 

• સરકારની જાહેરાત મુજબ સર્વાઈકલ કેન્સરની રસી એવી સ્કૂલોમાં સૌથી પહેલા અપાશે જ્યાં છોકરીઓની સંખ્યા વધારે હોય. 
• જે છોકરીઓ અભિયાનના દિવસે શાળાએ નહીં આવી શકે. તેમના રસીકરણ માટે નજીકના આરોગ્ય કેન્દ્ર પર વ્યવસ્થા કરવામાં આવશે.
• 9 થી 14 વર્ષની બહારની છોકરીઓને સામુદાયિક અભિયાનો અને મોબાઇલ ટીમો દ્વારા આ રસીકરણનો ભાગ બનાવવામાં આવશે.
• યુ-વિન એપ્લિકેશનનો ઉપયોગ નોંધણી માટે થઈ શકે છે

રાજ્યોને અપાયો આદેશ 
આ અભિયાનને સફળ બનાવવા માટે રાજ્યો અને કેન્દ્રશાસિત પ્રદેશોને માર્ગદર્શિકા આપવા અને અન્ય નિર્ણયો લેવા વિનંતી કરવામાં આવી છે.

વેક્સિન અપાવાનું ક્યારથી શરુ થશે

 9 થી 14 વર્ષની છોકરીઓને ગર્ભાશયની વેક્સિન અપાવાનું ક્યારથી શરુ થશે તેને લઈને હજુ સુધી કોઈ તારીખ જાહેર કરાઈ નથી પરંતુ સૂત્રોએ જણાવ્યું કે ટૂંક સમયમાં તેને લઈને એક ગાઈડલાઈન્સ બહાર પડશે.