HCમાં સૌગંદનામું / સમલૈંગિક લગ્નના વિરોધમાં કેન્દ્ર સરકારે કહ્યું- પતિ-પત્નીથી પરિવાર બને છે, 'પુરૂષ-પુરૂષ...'

• સમલૈંગિક લગ્નને લઇ દિલ્હી હાઇકોર્ટમાં કેન્દ્ર સરકારનું સોગંદનામુ
• કાયદા પુરૂષ-મહિલાના લગ્નને જ મંજૂરી આપે છે: કેન્દ્ર
• દેશના કાયદા-સામાજીક માન્યતાઓના આધારે મંજૂરી ન આપી શકાય: કેન્દ્ર

કેન્દ્રએ સોગંદનામામાં જણાવ્યું કે, કાયદો પુરૂષ-મહિલાના લગ્નને જ મંજૂરી આપે છે. સમલૈંગિક લોકો લગ્નને પોતાનો મૂળ અધિકાર હોવાનો દાવો નથી કરતા. જ્યારે બે સમલૈંગિક સાથે રહે, સેક્સુઅલ રિલેશન બનાવવા એક અલગ વાત. 

કેન્દ્રએ સોગંદનામામાં જણાવ્યુ કે સમલૈંગિક સંબંધોની સરખામણી સામાજીક પરિવેશમાં પરિવાર સાથે ન કરી શકાય. લગ્નેત્તર સંબંધોને કાયદાકીય માન્યતા આપવાનું કામ સંસદનુ છે. કોર્ટે આ બાબતમાં દખલ ન કરવી જોઇએ આવી અરજીઓ રદ્દ કરવી જોઇએ.

કેન્દ્ર સરકારે તેના સૌગંદનામામાં જણાવ્યું કે સુપ્રીમ કોર્ટ દ્વારા ઈન્ડીયન પીનલ કોડ હેઠળ કલમ 377 ને અપરાધ ગણવામાં આવ્યો નથી તેમ છતાં પણ અરજદારો દેશના કાયદા હેઠળ સજાતિય લગ્નના મૂળભૂત અધિકારનો દાવો ન કરી શકે અને આર્ટીકલ 21 કાયદા દ્વારા નિયત પ્રણાલીને અધીન છે અને તેને (આર્ટિકલ 21)  દેશના કાયદા હેઠળ સજાતિય લગ્નની માન્યતાના મૂળભૂત અધિકારને સામેલ કરવા વિસ્તારિત ન કરી શકાય.