કેન્દ્રીય મંત્રી અને ટીવી એક્ટ્રેસ રહી ચૂકેલી સ્મૃતિ ઇરાનીએ પોતાના સોશ્યલ મીડિયા પર એક વીડિયો શૅર કર્યો છે. ઉલ્લેખનીય છે કે સ્મૃતિ ઈરાની 35 વર્ષ પહેલા ગુરુગ્રામના જે ભાડાના ઘરના રહેતા હતા ત્યાં પહોંચ્યા હતા અને જૂની યાદોની યાદ કરતા ઇમોશનલ થઇ ગઇ હતી.
સ્મૃતિ ઇરાની જ્યારે ત્યાં પહોંચ્યા ત્યારે જોયું કે ત્યાં ઘરની જગ્યાએ વર્કશોપ બની ગયો છે. પોતાના ઘરના સ્થાને આ વર્કશોપ જોઇને સ્મૃતિ ઇરાની ઇમોશનલ થઇ ગઇ હતી. તેઓ પોતાના જૂના પડોશીને મળ્યા અને કહ્યુ કે ''જ્યારે તેમના મમ્મી તેમને કચરા-પોતા કરવાનું કહેતા હતા ત્યારે ઘર ઘણું જ મોટું લાગતું હતુ. આ સિવાય તેઓ યાદ કરે છે કે કઇ રીતે તેમની એક ભૂલના કારણે સ્ટોર રૂમમાં આગ લાગી ગઇ હતી.''
આ સિવાય સ્મૃતિ પોતાના પડોશીની સાથે એક દુકાનમાં ગયા ત્યાં પહોંચીને કહ્યુ કે મને એક ડૉલ પસંદ હતી જેની કિંમત 130 રૂપિયા હતા પરંતુ તે સમયે મારી પાસે ડૉલ ખરીદવાના પૈસા નહોતા. સ્મૃતિએ હસતાં હસતાં તે દુકાનદારને કહ્યુ કે ''આજે મારી પાસે પૈસા છે મને ડૉલ આપો.''
ઉલ્લેખનીય છે કે સ્મૃતિના ઘરનો આ વીડિયો એકતા કપૂરની નવી વેબ સીરિઝ 'હોમ'ના પ્રમોશનનો વાત છે જેની હેઠળ ઘણા સેલિબ્રેટી પોતાના જૂના ઘરથી જોડાયેલી યાદોને શૅર કરી રહ્યા છે. આ શૉ ALT બાલાજીની ડિજિટલ એપ પર 21 સપ્ટેમ્બરથી શરૂ થશે.