7 મું પગારપંચ / કેન્દ્રીય કર્મચારીઓને બીજી મોટી રાહત, દર મહિને પગારમાં ઉમેરાઈને આવશે 4500 રુપિયા, જાણો કેવી રીતે

• કેન્દ્રીય કર્મચારીઓ હવે બાળ શિક્ષણ ભથ્થાનો દાવો કરી શકશે
• બાળક દીઠ દર મહિને 2250 રુપિયાનું શિક્ષણ ભથ્થું મળે છે
• કોરોનાને કારણે કર્મચારીઓ ભથ્થું લઈ શકતા નહોતા
• હવે કર્મચારીઓ શિક્ષણ ભથ્થાનો દાવો કરી શકશે 

કેન્દ્રીય કર્મચારીઓને તેમના બાળકોના શિક્ષણ માટે દર મહિને 2250 નું બાળ શિક્ષણ ભથ્થું મળે છે પરંતુ કોરોનાને કારણે ગયા વર્ષથી સ્કૂલો બંધ પડી છે જેને કારણે કર્મચારીઓ સીઈએ લઈ શકતા નહોતા. 

સ્વંય જાહેરાત કરવી જરુરી  
ગયા મહિને, કર્મચારી અને તાલીમ વિભાગ (DoPT) એ ઓફિસ ઓફ મેમોરેન્ડમ (OM) જારી કર્યું હતું. જેમાં કહેવામાં આવ્યું હતું કે કોરોનાને કારણે કેન્દ્રીય કર્મચારીઓને બાળકોના શિક્ષણ ભથ્થાનો દાવો કરવામાં મુશ્કેલીઓનો સામનો કરવો પડ્યો છે. કારણ કે, ઓનલાઈન ફી જમા કરાવ્યા બાદ પણ પરિણામ/રિપોર્ટ કાર્ડ શાળામાંથી SMS/ઈ-મેલ દ્વારા મોકલવામાં આવ્યા ન હતા. DoPT એ કહ્યું છે કે CEA નો દાવો સેલ્ફ ડેક્લેરેશન દ્વારા અથવા ફી પેમેન્ટના રિપોર્ટ કાર્ડ/એસએમએસ/ઇ-મેઇલની પ્રિન્ટ આઉટ દ્વારા પણ કરી શકાય છે. જો કે, આ સુવિધા માત્ર માર્ચ 2020 અને માર્ચ 2021 માં સમાપ્ત થતા શૈક્ષણિક વર્ષ માટે ઉપલબ્ધ રહેશે.

કેન્દ્રીય કર્મચારીઓને દર મહિને 2250 રુપિયાનું CEA ભથ્થું મળે છે 

કેન્દ્રીય કર્મચારીઓને બે બાળકોના શિક્ષણ માટે બાળ શિક્ષણ ભથ્થું મળે છે, બાળક દીઠ આ ભથ્થું દર મહિને 2250 રૂપિયા છે. મતલબ કર્મચારીઓને બે બાળકો માટે દર મહિને 4500 રૂપિયા મળે છે. જો કે, જો બીજું બાળક જોડિયા છે, તો પછી પ્રથમ બાળક સાથે જોડિયાના શિક્ષણ માટે પણ આ ભથ્થું આપવામાં આવે છે. બે શૈક્ષણિક કેલેન્ડર મુજબ, બાળકને 4500 રૂપિયા ચૂકવવા પડે છે. જો કોઈ કર્મચારીએ હજુ સુધી માર્ચ 2020 અને માર્ચ 2021 માટે દાવો કર્યો નથી, તો તેનો દાવો કરી શકાય છે. આવી સ્થિતિમાં તેમના પગારમાં 4500 રૂપિયા ઉમેરવામાં આવશે.

CEA દાવા માટે ઘણા દસ્તાવેજો જરૂરી છે
ચિલ્ડ્રન એજ્યુકેશન એલાઉન્સનો દાવો કરવા માટે, કેન્દ્રીય કર્મચારીઓએ શાળાનું પ્રમાણપત્ર અને દાવાના દસ્તાવેજો રજૂ કરવા પડે છે. શાળા તરફથી મળેલા જાહેરનામામાં લખ્યું છે કે બાળક તેમની સંસ્થામાં અભ્યાસ કરે છે. આ સાથે, તમે જે શૈક્ષણિક કેલેન્ડરમાં અભ્યાસ કર્યો છે તેનો પણ ઉલ્લેખ છે. CEA દાવા માટે, બાળકનું રિપોર્ટ કાર્ડ, સ્વ-પ્રમાણિત નકલ અને ફીની રસીદ પણ જોડવી જરૂરી છે.