જામનગરઃ ધ્રોલના મુખ્ય બજારમાં બાઈક ચાલકે કાબૂ ગુમાવતા અકસ્માત થયો હતો. બેકાબૂ બાઈક દુકાનના ઓટલા સાથે અથડાયું હતું. બાઈક પરથી પડતાની સાથે જ બાઈકચાલકનું ઘટનાસ્થળે મોત થયું હતું. પુત્રનો મૃતદેહ જોતા જ પિતાને હાર્ટ એટેક આવ્યો હતો. એટેક આવતા પુત્ર પાછળ પિતાએ પણ જીવ ખોયો હતો. અકસ્માતની ઘટનાના CCTV ફુટેજ સામે આવ્યા છે.
તમે વીડિયોમાં જોઇ શકો છો કે એક વ્યક્તિ બજારમાં ગતિથી બાઇક લઇને આવી રહ્યો છે. બેકાબૂની જેમ બાઇક ચલાવી રહ્યો છે. ત્યારે વળાંક વળતા જ બાઇક એક અન્ય બાઇક અને ઓટલા સાથે અથડાઇ જાય છે. જ્યાં બાઇકચાલકનું ઘટનાસ્થળે જ મોત થઇ જાય છે.
ત્યાર બાદ ઘટનાની જાણ તેમના પરિવારને કરવામાં આવી હતી. પિતાએ પુત્રનો મૃતદેહ જોતા હાર્ટ એટેક આવી ગ્યો હતો. જેને લઇને પુત્ર પાછળ પિતાએ પણ જીવ ખોયો હતો.