BIG NEWS / CBSEની મોટી જાહેરાત: પરીક્ષાનો નિયમ બદલી નાખ્યો, આગામી વર્ષથી એક જ વાર યોજાશે બોર્ડની પરીક્ષા

• CBSEએ નિયમ બદલ્યો
• બોર્ડની પરીક્ષા વર્ષમાં એક વાર જ યોજાશે
• કોરોના કાળમાં આ નિયમ બદલ્યો હતો

કેન્દ્રીય માધ્યમિક શિક્ષણ બોર્ડે ફરીથી જૂના નિયમ સાથે પાછું આવ્યું છે. આગામી વર્ષથી 10માં અને 12માં ધોરણની બોર્ડ પરીક્ષા હવે એક વાર જ થશે. તેને લઈને બોર્ડે નવા અને દશમાં તથા 11 અને 12માં ધોરણની એક્ઝામ સિસ્ટમમાં ફેરફાર કર્યો છે. 

આવી હશે નવી શિક્ષણ નીતિ, 40 ટકા સવાલો આવા હશે

નવી શિક્ષણ નીતિ અંતર્ગત બદલાયેલી એક્ઝામ સિસ્ટમમાં 10માં 40 ટકા સવાલો સમજ પર આધારિત હશે, તેનાથી બાળકોને ગોખવાની પ્રવૃતિ બંધ થશે. તેમાં કેસ આધારિત સવાલો હશે, આ ઉપરાંત 20 ટકા સવાલો ઓબઝેક્ટિવ હશે, 40 ટકા સવાલો ટૂંકમાં જવાબ આપવાના રહેશે.

ગોખણપટ્ટી નહીં ચાલે, સમજી વિચારીને આપવાના રહેશે જવાબો

આવી જ રીતે બારમા ધોરણની પરીક્ષામાં આવતા સવાલોમાં જે ફેરફાર કર્યો છે, તેમાં 50 ટકા પ્રશ્નો શોર્ટ આંસર આપવાના રહેશે. જ્યારે 30 ટકા સવાલો સમજ આધારિત અને 20 ટકા સવાલો ઓબ્ઝેક્ટિવ રહેશે. સીબીએસઈ સ્કૂલના શિક્ષકોનું માનીએ તો, વિદ્યાર્થીઓની ગોખણપટ્ટી તેનાથી છૂટી જશે. હવે તેમને સમજી વિચારીને જવાબ આપવાના રહેશે. ત્યારે જ તેઓ સવાલોના જવાબ આપી શકશે. બોર્ડે પોતાના આદેશમાં સ્પષ્ટ કહ્યું છે કે, હાઈસ્કૂલ તથા ઈંટરની આંતરિક પરીક્ષા સિસ્ટમમાં કોઈ ફેરફાર કરવામાં આવ્યો નથી. જે રીતે સ્કૂલ પહેલા આંતરિક પરીક્ષા લેતા હતા, તેવી જ રીતે પરીક્ષા લઈ શકશે. 

પ્રશ્નપત્રનું ફોર્મેટ કેવું હશે

નવમા અને 10મા ધોરણ

કુલ ગુણ: 100

સમજણ આધારિત પ્રશ્નો: 40 ટકા

ઓબ્ઝેક્ટિવ પ્રકારના પ્રશ્નો: 20 ટકા

ટૂંકા અને લાંબા જવાબના પ્રશ્નો: 40 ટકા

11મું અને 12મું ધોરણ

કુલ ગુણ: 100

સમજણ આધારિત: 30 ટકા

ઓબ્ઝેક્ટિવ પ્રકારના પ્રશ્નો: 20 ટકા.

ટૂંકા અને લાંબા જવાબ પ્રકારના પ્રશ્નો: 50%.