ગુજરાતમાંથી ભ્રષ્ટાચારને નાબૂદ કરવા માટે તમામ પ્રયાસો થઈ રહ્યા છે. પણ ખિસ્સા ગરમ કરતા બાબુઓ કોઈ એજન્સીથી ડરે તેમ નથી ભ્રષ્ટ અધિકારીઓને મલાઈ સેરવવાની ટેવ પડી ગઈ છે. પણ હવે લાંચિયા બાબુઓના દિવસો ભરાઈ ગયા છે.
ગુજરાતમાં CBIએ મોટી કાર્યવાહી કરી છે. NHAIના ચીફ જનરલ મેનેજરને 10 લાખની લાંચ લેતા રંગેહાથ ઝડપી લીધા છે.ચીફ જનરલ મેનેજર દિગ્વિજય મિશ્રા સામે જાગૃત નાગરિકે લાંચ લેતા હોવાની અરજ કરી હતી. જે બાદ તેઓ ઘણા દિવસથી CBIની રડારમાં હતા. આજે ટી.પી.સિંહ પાસેથી 10 લાખ રોકડા લેતા સીબીઆઈએ પકડી લીધા છે.
ઘરેથી 20 લાખ કેસ મળી
લાંચ કેસમાં ધરપકડ બાદ CBIએ તાત્કાલિક NHAIના ચીફ જનરલ મેનેજર દિગ્વિજય મિશ્રાના ઘરે દરોડા પઆદ્યા હતા. ગાંધીનગર સ્થિત નિવાસસ્થાનેથી 20 લાખ રોકડા મળી આવ્યા હતા.
લાંચ આપવા આવેલા GHV અધિકારી ટી.પી.સિંહ પણ પકડાયા
મહત્વનું છે કે GHV ઈન્ડિયાના કામ માટે દિગ્વિજય મિશ્રા લાંચની માગણી કરી હતી. આથી GHV અધિકારી ટી.પી.સિંહ પણ લાંચની રકમ ચૂકવવા આવતાં ઝડપાઇ ગયા છે. બંનેને જાપ્તામાં લઈ લાંચની કલમો લગાવી CBIએ ગહન પૂછપરછ હાથ ધરી છે.
CBI arrested Digvijay Mishra, Chief General Manager of NHAI in Gandhinagar while accepting bribe of Rs 10 lakh from an employee of private company that deals in infrastructure projects. Later, during serach CBI recovered Rs 20.5 lakh cash from his house: CBI Sources
અધિકારીઓની ભ્રષ્ટવૃત્તિનું દહન ક્યારે થશે?
ભ્રષ્ટ વહીવટદારો સામે આ કાર્યવાહીથી અન્ય ભ્રષ્ટ ઓફિસરોમાં પણ ફફડાટ ફેલાયો છે.અને હોવો પણ જોઈએ.કારણ કે અધિકારીઓને કામના બદલામાં ઉચ્ચ વેતન મળે છે.જાતભાતના ભથ્થા મળે છે. તેમ છતાંય આ ભ્રષ્ટવૃતિ દહન થતું નથી. હજુ પણ કેટલાય એવા અધિકારીઓ છે જે અંદરખાને નાનો મોટો ભ્રષ્ટાચાર કરી રહ્યા છે. ગાળિયો કસાતા તેઓ બીડમાંથી બહાર આવી રહ્યા છે. લાંચિયાઓની લાલચ પર લગામ કેવી રીતે આવશે તે મોટો સવાલ અહી થાય છે
વર્ષ 2022માં 66 ગુના, 101 આરોપીની ધરપકડ
2022ના વર્ષમા એસીબીએ કરેલા કેસમા સૌથી ભ્રષ્ટ ખાતુ પંચાયત વિભાગ રહ્યું હતું તો ગૃહ વિભાગ અને મહેસુલ વિભાગનો બીજો ક્રમ રહ્યો જ્યારે ત્રીજા નંબર પર શહેરી વિકાસ વિભાગ રહ્યું હતું.જેમા ક્લાસ વનના 3 અધિકારી, ક્લાસ 2 ના 15 અધિકારી, ક્લાસ 3ના 44 કર્મચારી અને ક્લાસ 4ના 4 તેમજ ખાનગી 35 લોકોને લાંચ લેતા ઝડપ્યા હતા.
આ વિધાનસભામાં ગત 2 વર્ષમાં લાંચિયા બાબુના આંકડા જાહેર થયા હતા
ગત 2 વર્ષમાં રાજ્યમાં ક્લાસ-1 અને ક્લાસ-2ના અનેક અધિકારીઓ લાંચ લેતા ઝડપાયા હતા. ક્લાસ-1 અને ક્લાસ-2ના 74 અધિકારી વિરુદ્ધ લાંચ લેવાનો ગુનો નોંધાયો હતો. ACBએ વર્ગ-1ના 14 અને વર્ગ-2ના 60 અધિકારીઓ વિરુદ્ધ ગુનો નોંધ્યો હતો. સાથે વર્ગ-3ના 253, વર્ગ-4ના 9 અને 141 વચેટીઓ વિરુદ્ધ પણ કાર્યવાહી કરવામાં આવી હતી. ઉપરાંત 372 કેસોમાં 71 આરોપીની ધરપકડ કરવાની બાકી છે.રાજ્યમાં 2 વર્ષમાં 99 પોલીસકર્મી લાંચ લેતા ઝબ્બે થયા હતા.