દેશભરમાં ફરી એકવાર કોરોનાના કેસ વધવા લાગ્યા છે. એક અઠવાડિયામાં ભારતમાં કોરોનાના દર્દીઓમાં સંખ્યામાં 45 ટકાનો વધારો થયો છે.
તમિલનાડુમાં 12 દર્દીઓમાં BA.4 અને BA.5ની પુષ્ટી
BA.4 અને BA.5 એ BA.2 કરતાં વધુ ચેપી
બંને સબ-વેરિઅન્ટ દક્ષિણ આફ્રિકામાં જાહેર થયા હતાં
દેશમાં ફરી એકવાર કોરોનાના કેસ વધવા લાગ્યા છે. 24 કલાકમાં કોરોનાના 4518 નવા કેસ સામે આવ્યા છે. જે શનિવાર કરતાં 5.8 ટકા વધારે છે. કોરોનાના કેસમાં તેજીના કારણે એક્ટિવ કેસની સંખ્યા પણ 25 હજારને પાર પહોંચી ગઈ છે, 24 કલાકમાં એક્ટિવ કેસની સંખ્યામાં 1714નો વધારો થયો છે.
#COVID19 | India reports 4,518 fresh cases, 2,779 recoveries, and 9 deaths in the last 24 hours.
કારણ કે નિષ્ણાતોએ જૂનમાં ચોથી લહેરની ચેતવણી આપી હતી. ઓમિક્રોન BA.4 અને BA.5ના પેટા-પ્રકારો વધતા જતા કોરોનાનું સંક્રમણ માટે જવાબદાર હોવાનું માનવામાં આવે છે. દેશના ઘણા રાજ્યોમાં BA.4 અને BA.5ના કેસ સામે આવ્યા છે. તમિલનાડુમાં 12 સેમ્પલોમાં આ બંને વેરિયન્ટની પુષ્ટિ થઈ છે. તમિલનાડુના સ્વાસ્થ્ય મંત્રાલયના જણાવ્યા અનુસાર 4 લોકોમાં BA.4 અને 8 લોકોમાં BA.5ના વેરિયન્ટની પુષ્ટિ થઈ છે. આ અગાઉ ગયા અઠવાડિયે મહારાષ્ટ્રમાં પણ ચાર દર્દીઓમાં BA.4 અને ત્રણમાં ને BA.5ની પુષ્ટિ થઈ હતી. આ વર્ષે એપ્રિલમાં દક્ષિણ આફ્રિકાના કેટલાક ભાગોમાં ઓમિક્રોનના આ બે પેટા-પ્રકારોના કેસો નોંધાયા હતાં. અત્યાર સુધીમાં આ સબ વેરિયન્ટ દેશના તેલંગાણા, મહારાષ્ટ્ર અને તમિલનાડુ જેવા રાજ્યોમાં પ્રવેશી ચૂક્યો છે.
આ પેટા પ્રકારનો કેટલા જોખમી છે
-ઓમિક્રોનના બંને પેટા પ્રકારો BA.2 જેવા જ હોય છે. ભારતમાં કોરોનાની ત્રીજી લહેર ઓમિક્રોનના BA.2થી આવી હતી.
-WHOના જણાવ્યા અનુસાર ઓમિક્રોનના BA.4 અને BA.5 હાલ તો ગંભીર બીમારી નથી, પરંતુ ઓમિક્રોનના બીજા સબ વેરિયન્ટની તુલનામાં વધુ સંક્રમિત છે.
-WHOએ ગત મહિનાએ જણાવ્યું હતું કે, દુનિયામાં ઘણાબધા દેશોમાં BA.4 અને BA.5 કેસો સામે આવ્યા છે. અને જેને કારણે કોરોના કેસોમાં ફરી ઉછાળો આવી શકે છે.
- યુરોપિયન સેન્ટર ફોર ડિસીઝ કંટ્રોલ અને અમેરિકાના સેન્ટર ફોર ડિસીઝ કંટ્રોલ આ બંનેએ સબ વેરિયન્ટોને વેરિયન્ટ્સ ઓફ કન્સર્ન એટલે કે, ચિંતાજનક જાહેર કરી દીધું છે.
ચિંતા શા માટે ?
-ગયા વર્ષે નવેમ્બરમાં દક્ષિણ આફ્રકિકામાં કોરોનાનો ઓમિક્રોન વેરિયન્ટ જાહરે થયો હતો. ભારત સહિત વિશ્વના ઘણા દેશોમાં આ નવા વેરિયન્ટે કોરોનાની નવી લહેર લાની હતી. જો કે, કોરોનાના ડેલ્ટા વેરિયન્ટ કરતાં ઓમિક્રોન ઓછું ગંભીર હતું, પરંતુ તેની સંક્રમણનો દર ઘણો વધારે છે.
-અત્યાર સુધીમાં ઓમિક્રોનના ઘણા બધા સબ વેરિયન્ટ સામે આવ્યા છે. શરૂઆતમાં BA.1 અને BA.2ના પેટા-પ્રકારોજ જાહેર થયા હતાં. પરંતુ હવે BA.1.1, BA.3,BA.4 અને BA.5 પણ આ યાદીમાં ઉમેરાયા છે.
- BA.4 અને BA.5 બંને BA.2 કરતાં વધુ ચેપી માનવમાં આવે છે. એટલા માટે આ સબ વેરિયન્ટ સામે આવ્યા બાદ બીજી લહેરનું જોખમ વધી ગયું છે.
- આ બંને પેટા પ્રકારો વિશે એક ચિંતા એ છે કે, BA.1 અને BA.2 થી ચેપગ્રસ્ત લોકોને ફરીથી આ પેટા-પ્રકારોથી ચેપ લાગી શકે છે.