VIDEO / VIDEO 'નવો છોકરો છે રમી રમી જૂનો થઈ ગયો..', કેપ્ટન હાર્દિક પંડયાએ એક એક કરી CM ભૂપેન્દ્ર પટેલ સાથે ખેલાડીનો ઈન્ટ્રો કરાવ્યો

• CM ભૂપેન્દ્ર પટેલે રમુજી મુડમાં આપ્યુ નિવેદન 
• મારે ફિલ્ડિંગ ભરવાની આવી જ નથી-ભૂપેન્દ્ર પટેલ
• સીધી બેટિંગ જ કરી છે- ભૂપેન્દ્ર પટેલ

ગઇ કાલે રવિવારના રોજ અમદાવાદના નરેન્દ્ર મોદી સ્ટેડિયમમાં IPL 2022ની ફાઇનલમાં ગુજરાત ટાઇટન્સ્સનો ભવ્ય વિજય થયો હતો. ગુજરાત ટાઇટન્સ્સે રાજસ્થાન રોયલ્સને 7 વિકેટથી હરાવ્યું હતું. ત્યારે આ ભવ્ય વિજય બાદ આજે ગુજરાત ટાઇટન્સ્સની ટીમે સીએમ ભૂપેન્દ્ર પટેલની શુભેચ્છા મુલાકાત કરી છે.  CM હાઉસ ખાતે આખીય ગુજરાત ટાઈટન્સની ટીમ પહોંચી છે. સીએમ પટેલે પણ ભવ્ય જીત બદલ તમામ ખેલાડીઑને શુભકામના પાઠવી હતી. આ મુલાકાત દરમિયાન ગૃહરાજ્યમંત્રી હર્ષ સંઘવી પણ હાજર રહ્યા હતા.

'નવો છોકરો છે પણ હવે રમી રમી જૂનો થઈ ગયો છે', હાર્દિક પંડયા
તો બીજી તરફ કાર્યક્રમના અંતમાં હાર્દિક પંડયાએ ગુજરાત સીએમ ભૂપેન્દ્ર પટેલ સાથે તમામ ખેલાડીઑની ખાસ મુલાકાત કરાવી હતી. એક બાદ એક તમામ ખેલાડીઑના નામ લીધા હતા તેમનું સિઝન દરમિયાન પ્રદર્શનના વખાણ કર્યા હતા. તો સામે ભૂપેન્દ્ર પટેલે પણ ખેલાડીઑને સન્માનિત કર્યા હતા.શુભમન ગીલના ઈન્ટ્રો વખતે હાર્દિક પંડયાએ કહ્યુ હતું કે સાહેબ આ નવો છોકરો છે. સારૂ રમી જૂનો થઈ ગયો છે.

મારે ફિલ્ડિંગ ભરવાની આવી જ નથી-ભૂપેન્દ્ર પટેલ
CM ભૂપેન્દ્ર પટેલે રમૂજી મૂડમાં મુલાકાત વખતે નિવેદન આપતા કહ્યું હતું કે મારે ફિલ્ડિંગ ભરવાની આવી જ નથી, મૈ બેટિંગ જ કરી છે. નાના હતા ત્યારે પહેલા એવું કરતાં કે પહેલા બેટિંગ લઈ લો પછી આવે ન આવે.. આમ હળવા મૂડમાં સીએમ ભૂપેન્દ્ર પટેલે ગુજરાત ટાઈટન્સના ખેલાડીઓ સાથે મુલાકાત કરી હતી.

Live: IPL-2022 માં વિજેતા ગુજરાત ટાઈટન્સની ટીમને મળીને શુભેચ્છા પાઠવતા માનનીય મુખ્યમંત્રી શ્રી ભૂપેન્દ્રભાઈ પટેલ. https://t.co/ozkOF4MRJK

— Bhupendra Patel (@Bhupendrapbjp) May 30, 2022

રિવરફ્રન્ટથી રોડ શો શરૂઆત
તો બીજી તરફ આ મુલાકાત બાદ ગુજરાત ટાઇટન્સ્સ અમદાવાદમાં રોડ શો કરશે. સાંજના 5.30 વાગ્યે અમદાવાદમાં ઉસ્માનપુરા રિવરફ્રન્ટથી આ રોડ શોનું સમાપન થશે અને વિશ્વકુંજ રિવરફ્રન્ટ ખાતે તેની પૂર્ણાહુતિ થશે.