ભારતને ઑલિમ્પિકમાં ઐતિહાસિક ગોલ્ડ મેડલ અપાવનાર નીરજ ચોપડા પર ચારે તરફથી ઇનામોની વર્ષા થઈ રહી છે. ભારતના બિઝનેસમેન અને વિવિધ રાજ્યોની સરકારો દ્વારા કરોડો રૂપિયાના ઇનામની જાહેરાત કરવામાં આવી છે.
હરિયાણા સરકારની મોટી જાહેરાત
BCCI પણ આપશે ઈનામ
મણિપુર સરકારની મોટી જાહેરાત
ભારતની ઑલિમ્પિકમાં ટ્રેક એન્ડ ફિલ્ડમાં ગોલ્ડ મેડલ જીતવાની સવાસો વર્ષ જૂની ભૂખ ભાંગી હોય એમ જવેલીન થ્રોમાં ભારતને પ્રથમ ગોલ્ડ મળી ગયો હતો. ટોક્યો ઓલિમ્પિકમાં પ્રથમ ગોલ્ડ મેડલ જીતનાર ભારતીય ખેલાડી નીરજ ચોપરા પર તમામ દેશવાસીઓને ગર્વ છે. ભારતના તમામ નાગરિકોના મોઢે આજે નીરજ ચોપરનું નામ રમતું થઈ ગયું છે. દેશભરમાંથી તેમના માટે અભિનંદન સંદેશા અને પુરસ્કારોની જાહેરાત કરવામાં આવી રહી છે.
મહિન્દ્રા ગ્રુપના ચેરમેન આનંદ મહિન્દ્રા મહેરબાન
મહિન્દ્રા ગ્રુપના ચેરમેન આનંદ મહિન્દ્રાએ પણ કંપનીની આગામી SUV XUV700 ને ભાલા ફેંક સ્પર્ધામાં દેશના સુવર્ણ ચંદ્રક વિજેતા નીરજ ચોપરાને ભેટ આપવાનું વચન આપ્યું છે. નીરજ ચોપરાએ મેડલ જીત્યાના થોડા સમય બાદ મહિન્દ્રાએ આ જાહેરાત કરી હતી. હકીકતમાં, ટ્વિટર પર તેના એક અનુયાયીએ મહિન્દ્રાને નીરજ ચોપરાને XUV700 ભેટ આપવા કહ્યું. જેના માટે આનંદ મહિન્દ્રાએ લખ્યું, "હા બિલકુલ. અમારા ગોલ્ડન એથ્લીટને XUV700 ની ભેટ આપવી એ અમારા માટે લહાવો અને સન્માન હશે. ”
હરિયાણા સરકારની મોટી જાહેરાત
ઓલિમ્પિકની ભાલા ફેંક રમતમાં ભારતને ગોલ્ડ મેડલ અપાવનાર નીરજ ચોપડા માટે હરિયાણા સરકારે 6 કરોડની રકમ, ક્લાસ-1 અધિકારીની નોકરી સહિતના બીજા ઈનામોની જાહેરાત કરી છે.
આઅ સિવાય તેમના ગામમાં એક એથ્લેટિક કોમ્પલેક્ષ ખોલવામાં આવશે જેનાં વડા તરીકે નિરજની નિમણૂક કરવામાં આવશે.
મણિપુર સરકારની મોટી જાહેરાત
આ સિવાય મણિપુર સરકારે પણ નિરજને એક કરોડ રૂપિયા ઈનામ આપવાની જાહેરાત કરી દીધી હતી.
BCCI પણ આપશે ઈનામ
આ સાથે ભારતીય ક્રિકેટ કંટ્રોલ બોર્ડે પણ મોટી જાહેરાત કરી દીધી હતી. તેમણે પણ નિરજને એક કરોડ રૂપિયા ઇનામની જાહેરાત કરી દીધી હતી.