સર્ચ ઓપરેશન / અમદાવાદના જાણીતા બિલ્ડર ટ્રુ વેલ્યુ ગ્રુપ પર EDની ઐતિહાસિક રેડ, અધિકારીઓની ફોજ ઉતારી દેવાઈ

• ટ્રૂ વેલ્યુ ગ્રુપને ત્યા EDની ઐતિહાસિક રેડ
• બિલ્ડર અને તેના ભાગીદારને ત્યાં EDએ દરોડા પાડ્યા
• તપાસ માટે બીજા રાજ્યોમાંથી પણ અધિકારીઓને બોલાવાયા

અમદાવાદમાં ટ્રુ વેલ્યુ ગ્રુપ પર EDએ દરોડા પાડ્યા છે. જેમાં કુલ 6 જેટલી ટીમ તપાસમાં જોડાઇ છે. અમદાવાદના મોટા બિલ્ડર અને તેના ભાગીદારને ત્યાં EDનું સર્ચ ઓપરેશન હાથ ધર્યું હતું. અમદાવાદના મોટા બિલ્ડરને ત્યાં રેડના પગલે ફફડાટ મચ્યો છે. આ રેડને અમદાવાદના ઈતિહાસની મોટી ગણાતી રેડમાંની એક ગણાય છે. કારણ કે તપાસ માટે અન્ય રાજ્યોમાંથી પણ EDના અધિકારીઓની ફોજ ઉતારવામાં આવી છે. બિલ્ડરને ત્યાં દસ્તાવેજો અને બેનામી સંપત્તિની તપાસ ચાલુ છે અને તેમના તમામ વ્યવહારોની તપાસ પણ કરાઇ છે.

અનેક કંપનીઓએ લોન નહીં ભરી હોવાના કિસ્સામાં ટ્રુ વેલ્યૂ ગ્રૂપની સંડોવણીની શંકા

ટ્રુ વેલ્યુ મેનેજમેન્ટ કન્સલ્ટન્ટના વ્યવહાર અંગે તપાસ કરવામાં આવી રહી છે. ચાર્ટર્ડ એકાઉન્ટન્ટ મનીષ શાહ અને સમીર મહેશ્વરી પ્રમોટર છે. જેઓ કંપનીઓને મોટી લોન અપાવવાનું કામ કરતાં હતા. અનેક કંપનીઓએ લોન નહીં ભરી હોવાના કિસ્સામાં ટ્રુ વેલ્યુ ગ્રૂપની સંડોવણીની શંકા છે.

લક્ઝુરિયસ ફ્લેટ્સ અને કમર્શિયલ ઓફિસ બનાવે છે આ બિલ્ડર

અમદાવાદના એસ.જી હાઈવે, પ્રહલાદ નગર, આંબલી-બોપલ અને બોડકદેવ જેવા પૉશ વિસ્તારમાં ટ્રુ વેલ્યુ ગ્રુપની જુદી જુદી સ્કીમ આવેલી છે. આ વિસ્તારોમાં એક એક ફ્લેટ અને ઓફિસ કરોડો રૂપિયા હોય તેવી બિલ્ડિંગો બનાવેલી છે.