બજેટ 2022 / ખેડૂતોને મોદી સરકાર આ મોટી ભેટ આપવાની તૈયારીમાં, MSPને લઇને પણ કરી શકે છે જાહેરાત

• આ બજેટમાં કૃષિ ક્ષેત્રને મળી શકે છે મોટી ભેટ
• પ્રધાનમંત્રી કિસાન સન્માન નિધિને વાર્ષિક 6000થી વધારીને 8000 થઇ શકે
• પ્રગતિશીલ ખેડૂતોને લોનની સાથે જ અન્ય સુવિધાઓ પણ મળી શકે

MSP પર એક પેનલની રચનાની થઈ શકે જાહેરાત

બજેટમાં બધા પાક માટે એમએસપી પર એક પેનલની રચનાની જાહેરાત પણ થઇ શકે છે. આ આંદોલનકારી ખેડૂતોની એક મુખ્ય માંગ છે. વડાપ્રધાન નરેન્દ્ર મોદીએ કૃષિ બિલોને રદ્દ કરવાની જાહેરાત કરીને એમએસપી પર એક સમિતિ બનાવવાની જાહેરાત કરી હતી. 

મૂલ્ય વધારા પર ભાર

સરકાર કૃષિ ક્ષેત્રમાં મૂલ્ય સંવર્ધનને પ્રોત્સાહન આપવા માટે એક યોજના બનાવી રહી છે. જેની જાહેરાત બજેટમાં થઇ શકે છે. સરકાર ઈચ્છે છે કે ખેડૂત પાક વૈવિધ્યકરણ અપનાવે. માર્કેટની માંગ મુજબ, પાકની પસંદગી કરી ખેતી કરે અને ફૂડ પ્રોસેસિંગ તરફ અગ્રેસર થાય. પરંપરાગત ખેતીની સાથે આધુનિક ખેતીને પ્રોત્સાહન આપવા માટે સરકાર બજેટમાં એવા ખેડૂતો માટે કેટલીક ખાસ જાહેરાત કરી શકે છે, જે પરંપરાગત ખેતીને છોડીને આધુનિક ખેતી કરી રહ્યાં છે. 

એગ્રો ફૂડ પ્રોસેસિંગ અને નિકાસ

સરકારનું માનવુ છે કે ખેડૂતોની આવક ડબલ કરવા માટે એગ્રો ફૂડ પ્રોસેસિંગને પ્રોત્સાહન આપવુ ખૂબ જરૂરી છે. કૃષિ ઉત્પાદનોનું માર્કેટીંગ, બ્રાન્ડીંગ અને નિકાસને પ્રોત્સાહન આપવા માટે સરકાર બજેટમાં કોઈ મોટી જાહેરાત કરી શકે છે. સરકાર કૃષિમાં ફૂડ પ્રોસેસિંગ માટે 10,900 કરોડની પ્રોડક્શન લિન્ક્ડ ઈન્સેન્ટીવ યોજનાને મંજૂરી આપી શકે છે.