નાણાંકીય વર્ષ 2020-21ના સામાન્ય બજેટની તૈયારીઓ શરૂ થઈ ચૂકી છે. મળતી માહિતી અનુસાર આજે નાણા મંત્રાલયમાં હલવા સેરેમની યોજાશે. જેમાં નિર્મલા સીતારમણ સહિતના અધિકારીઓ હાજર રહેશે. આ સેરેમની પછી બજેટ રજૂ નહીં થાય ત્યાં સુધી 100થી વધુ અધિકારીઓ કેદ રહેશે. તેઓને ઘરે જવાની મંજૂરી પણ મળશે નહીં.
2020-21ના જનરલ બજેટને લઇ તૈયારી શરૂ
નાણા મંત્રાલયમાં આજે યોજાશે હલવા સેરેમની
નાણામંત્રી સીતારમણ સહિત 100થી વધુ અધિકારીઓ રહેશે ઉપસ્થિત
શું હોય છે હલવા સેરેમની
દર વર્ષે બજેટને આખરી રૂપ આપવાના થોડા દિવસ પહેલાં નાણાં મંત્રાલયની ઓફિસમાં એક મોટી કઢાઈમાં હલવો બનાવવામાં આવે છે. કહેવાય છે કે કોઈ સારા કામની શરૂઆત ગળ્યું ખાઈને કરવી આ પરંપરાને અનુસરીને ગલવા સેરેમની યોજવામાં આવે છે. જે કર્મચારીઓ અને અધિકારીઓ બજેટની પ્રક્રિયામાં જોડાયેલા હોય છે તેમને નાણા અધિકારીઓ હલવો વહેંચે છે. ઉલ્લેખનીય છે કે બજેટ રજૂ થવાના એક અઠવાડિયા પહેલાં આ લોકોને 24 કલાક નોર્થ બ્લોકમાં પસાર કરવા પડે છે. હલવા સેરેમની બાદથી બજેટ રજૂ ન થાય ત્યાં સુધી તેઓ બહાર પણ નીકળી શકતા નથી.
ખાનગી દસ્તાવેજ ગણાય છે બજેટ
બજેટ કોઈ પણ સરકારનો ગોપનીય એટેલે કે ખાનગી દસ્તાવેજ ગણાય છે. તેને બનાવવાની પ્રક્રિયામાં સામેલ અધિકારીઓ 2-3 અઠવાડિયા સુધી નોર્થ બ્લોકમાં રહે છે. તેમનો દુનિયા સાથે સંપર્ક થઈ શકતો નથી. ફક્ચ 1 ફોન હોય છે જેની મદદથી તેઓ કોલ રિસિવ કરી શકે છે પણ કોલ કરી શકતા નથી. બજેટ પત્ર નાણામંત્રાલયના પ્રેસમાં છપાય છે.
અધિકારીઓના ફોનનું ટેપિંગ કરાય છે
દિલ્હીના નોર્થ બ્લોક એટલે કે નાણામંત્રીની ઓફિસ સરકાર માટે એક તિજોરી છે. તેની સુરક્ષા વધારી દેવામાં આવે છે. અધિકારીઓ અને કર્મચારીઓ પર ગુપ્તચર એજન્સી IBની નજર હોય છે. આ સાથે જ તેમના ફોન અને ઘરના મોબાઈલ ફોન કે લેન્ડ લાઈનને પણ ટેપિંગમાં રાખવામાં આવે છે.
રાખવામાં આવે છે આ સાવધાની
દિલ્હીનું નોર્થ બ્લોક આઈબી સુરક્ષાના દાયરામાં રહે છે.
બજેટ પહેલાં નાણામંત્રીને ઝેડ સિક્યોરિટી આપવામાં આવે છે.
નાણામંત્રાલયને ઈમેલ મોકલવાની સુવિધા મળતી નથી.
બજેટ રજૂ થવાના 1 કે 2 દિવસ પહેલાં જ તેને વિશેષ પ્રેસમાં છાપવામાં આવે છે.
બજેટ છાપનારાને પણ ઘરે જવાની પરમિશન હોતી નથી.
બજેટ બનાવવા નાણાંમંત્રાલય સહિત અન્ય 5 મંત્રાલયના અધિકારીઓની મદદ લેવાય છે.
આ મંત્રાલયો પણ બજેટમાં હોય છે સામેલ
બજેટ બનાવતી સમયે અનેક મંત્રાલય સામેલ હોય છે. જેમકે નાણાંમંત્રાલય, પેટ્રોલિયમ મંત્રાલય, કાયદા મંત્રાલય, રેલ મંત્રાલય, રક્ષા મંત્રાલય.