મહારાષ્ટ્રની વિધાનસભા ચૂંટણી માટે સોમવારે મતદાન યોજાયું હતું. જેમાં બંને રાજ્યોમાં સરેરાશ 57 ટકા મતદાન થયું છે. ચુસ્ત બંદોબસ્ત વચ્ચે યોજાયેલા મતદાનમાં વચ્ચે પણ એક એવી ઘટના બની જેના કારણે મતદાન સમયે હાજર પોલીસ દોડતી થઈ હતી.
મહારાષ્ટ્રમાં મતદાન સમયે શખ્સે મચાવી ધમાલ
વાદળી શ્યાહી ઉડાડી EVM મુર્દાબાદના લગાવ્યા નારા
ઘટના સોશિયલ મીડિયામાં વાયરલ
નોંધનીય છે કે, આ ઘટના મહારાષ્ટ્રના આ એક મતદાન કેન્દ્ર પર બનવા પામી હતી. મતદાન કરવા માટે આવેલ એક વ્યક્તિએ EVM માં મતદાન કરીને સાથે લાવેલી વાદળી શ્યાહી પોલીંગ બૂથ પર જેમ ફાવે તેમ ઉડાડી હતી. આ સાથે જ તેણે "EVM મુર્દાબાદ" તથા "EVM નહીં ચલેગા" ના નારા પણ જોર-જોરથી લગાવ્યા હતા.
#WATCH Thane: A Bahujan Samaj Party (BSP) leader, Sunil Khambe threw ink on the EVM at a polling booth while voting for #MaharashtraAssemblyPolls was underway today. He was raising slogans of "EVM murdabad" & "EVM nahi chalega". He was later taken to a police station by police. pic.twitter.com/92MnGO2IEa
અચાનક મતદાતાની આ પ્રકારની હરકત જોઇને મતદાન કેન્દ્ર પર હાજર સ્ટાફ પણ ડઘાઇ ગયો હતો. જો કે, ઘટના સ્થળે હાજર પોલીસ તાત્કાલિક અસરથી દોડી આવી હતી અને મતદાન કેન્દ્ર પર ધમાલ મચાવી રહેલી શખ્સની કાબૂમાં લેવાના પ્રયાસ કર્યા હતા. પોલીસે તથા સ્થાનિક ચૂંટણી અધિકારીએ તેને સમજાવીને શાંત કરવાનો પ્રયાસ કર્યો હતો જો કે, તે કાબૂમાં નહીં આવતા પોલીસ તેને ટીંગાટોળી કરીને બહાર લઇ ગઇ હતી.
BSP નો કાર્યકર હોવાનો થયો ખુલાસો
આપને જણાવી દઇએ કે, પ્રાથમિક તપાસમાં આ શખ્સ બહુજન સમાજવાદી પાર્ટી (BSP) નો કાર્યકર સુનિલ ખાંભે હોવાનું જાણવા મળ્યું હતુ અને તેણે આ પ્રકારની ચાલુ મતદાને તોફાની હરકત કરી ધમાલ મચાવી હતી.